పొదిగిన గుడ్డు పిల్లైనప్పుడు కోడికి… ఎదిగిన కొడుకు ప్రయోజకుడైనప్పుడు తండ్రికీ ఎంత ఆనందం ఉంటుందో.. దాదాపు అలాంటి ఆనందాన్నే అనుభవిస్తున్నారట చంద్రబాబు! అలా అని లోకేష్ ఏదో ఉద్దరించాడనుకునేరు… అలాంటి కలలు కాసేపు పక్కనపెడితే… విషయంలోకి ఎంటరవుదాం. నేడు బాబు గర్వంగా, హ్యాపీగా ఫీలవడానికి గల కారణం… సీదరి అప్పలరాజు! అవును… ప్రతిపక్షనేత, మాజీ ముఖ్యమంత్రి చంద్రబాబుకి… తాజా మంత్రిని చూస్తే ముచ్చటేస్తుందంట!
ఒకానొకసారి అసెంబ్లీ సెషన్స్ లో వైకాపా పలాస ఎమ్మెల్యే సీదరి అప్పలరాజు తనకూ చంద్రబాబుకూ ఉన్న సంబంధం గురించి ఒకమాట చెప్పారు! తనకు బ్యాక్ గ్రౌండ్ అంటూ ఏమీ లేదని.. కష్టపడి చదువుతుకున్నానని.. తాను డాక్టర్ వృత్తిలో ఉన్నానని.. తాను పదవతరగతిలో ఉండగా స్టేట్ ర్య్యాంక్ వచ్చిన సందర్భంగా నాడు ఉమ్మడి ఏపీ సీఎంగా ఉన్న చంద్రబాబు నుంచి మెరిట్ సర్టిఫికేట్ తో పాటు గోల్డ్ మెడల్ కూడా అందుకున్నానని తెలిపిన సంగతి తెలిసిందే! విధి ఆడిన వింతనాటకంలో… చంద్రబాబు కలలో కూడా ఊహించని విధంగా… నాటి మెరిట్ స్టూడేంటే నిన్న ఎమ్మెల్యే అయ్యి నేడు మంత్రి అయ్యి కూర్చున్నారు!
ఈ విషయాన్ని ఆనందంగా, గర్వంగా భావించాలా లేక లోకేష్ విషయంలో ఇలా జరగకపోవడానికి, చినబాబు అసమర్ధుడిగా మిగిలిపోయాడని వినిపిస్తోన్న కామెంట్లకు బాదపడాలా అనేది సందిగ్దంలో ఉన్నారట చంద్రబాబు! చినబాబు సంగతి కాసేపు పక్కనపెడితే… తాను గోల్డ్ మెడల్ ఇచ్చి ప్రోత్సహించిన ఒక విధార్థి నేడు మంత్రిగా మారడం బాబుకు నిజంగా హ్యాపీ అనే చెప్పాలి!!
