Fast Tag : ప్రభుత్వం డిజిటల్ చెల్లింపులను ప్రోత్సహించేందుకు ఫోర్ వీలర్ వాహనాలకు ఫాస్ట్ ట్యాగ్ తప్పనిసరి చేసింది.. ఇప్పటికీ ఫాస్ట్ ట్యాగ్ లేని వాహనాలు ఉన్నాయి.. వాహనదారులందరు ఉచితంగా ఫాస్ట్ ట్యాగ్ పొందవచ్చు..
నేషనల్ హైవే అథారిటీ ఆఫ్ ఇండియా – NHAI ఫాస్ట్ ట్యాగ్ ఉచితంగా అందిస్తుంది. దేశంలోని 770 జాతీయ రాష్ట్ర రహదారిలో ఉన్న టోల్ ప్లాజా లలో మార్చి 1 వరకు ఉచితంగా ఫాస్ట్ ట్యాగ్ పొందవచ్చు. ప్రస్తుతం టోల్ ప్లాజా దగ్గర ఫాస్ట్ ట్యాగ్ ల ద్వారా రోజు 60 లక్షల లావాదేవీలు జరుగుతున్నాయి. రోజువారీ కలెక్షన్ 95 కోట్లకు చేరుకుందని NHAI ప్రకటించింది. టోల్ ప్లాజా దగ్గర ఏవైనా సాంకేతిక సమస్యలు ఉంటే వాహనదారులు ఒక్క రూపాయి కూడా చెల్లించకుండా వెళ్లవచ్చని NHAI తెలిపింది.
ఫాస్ట్ ట్యాగ్ లేనివారు టోల్ ప్లాజా వద్ద డబల్ అమౌంటు ను చెల్లించాల్సిందే. ఫాస్ట్ ట్యాగ్ ను ఎక్కడైనా తీసుకోవచ్చు నేషనల్ హైవే టోల్ ప్లాజా లో పాటు బ్యాంకులు, ఆర్టీవోలు, కామన్ సర్వీస్ సెంటర్లు, ట్రాన్స్పోర్ట్ హబ్స్, వాలెట్ సర్వీసులు అందించే సంస్థల నుంచి కూడా పొందవచ్చు. ఫాస్ట్ ట్యాగ్ లో ఉన్న బ్యాలెన్స్ ను My FASTag app ద్వారా తెలుసుకోవచ్చు. అందులో ఫాస్ట్ ట్యాగ్ బ్యాలెన్స్ స్టేటస్ లో బ్యాలెన్స్ ఎంత ఉందో సూచిస్తుంది. తగినంత బ్యాలెన్స్ ఉంటే గ్రీన్ కలర్, తక్కువ బ్యాలెన్స్ ఉంటే ఆరెంజ్ కలర్, నెగిటివ్ బ్యాలెన్స్ ఉంటే రెడ్ కలర్ ఇండికేట్ చేస్తుంది.