కొందరు చేతులను చూసి వారి గతాన్ని, వర్తమానాన్ని, భవిష్యత్తును తెలుతుంటారు. ఇలాంటి విషయాను ఇంచుమించు అందరూ నమ్మేస్తుంటారు. దీన్నే జాతకాలు చెప్పడం అని కూడా అంటారు. అసలు వారు చెప్పేది ఎంతవరకు నిజం అనేది పక్కనుంచితే చేతులను, ముఖాలను చూసి వారి భవిష్యత్తును ఎలా చెప్తారబ్బా అని కొందరు తలలు గోక్కుంటారు. కూటి కోసం కోటి తిప్పలంటారు. ఈ జాతకాలు చెప్పడం కూడా అందులో ఒక భాగమనే చెప్పుకోవచ్చు. చేతులు చూసి జాతకాలు చెప్పడం పక్కనుంచితే ఆ చేతిలోని కలరే మీ ఆరోగ్య పరిస్థితులను కూడా తెలుపుతాయట. కాని ఇందులో విషయాలను చూసి ఎలాంటి భయాలు పెట్టుకోవద్దు.
ఇది కేవలం మీ అవగాహన కోసమే. మరి అవేంటో తెలుసుకోండి. అయితే శరీరంలోని అవయవాలు మన శరీర పరిస్థిని గూర్చి చెబుతాయట. వాటినే హెచ్చరికలుగా కూడా భావించవచ్చు. కొందరు వారి శరీరంలో వచ్చిన మార్పులను బట్టి అప్పుడే అర్థం చేసుకుంటారు కూడా. అలాగే రంగులు మారే అరచేతులను బట్టి కూడా వారు ఎలాంటి సమస్యలతో బాధపడుతున్నారనే విషయాన్ని కొందరు హస్తముద్రిక పండితులు గుర్తుపడతారట. మరి అదెలాగో తెలుసుకుందాం పదండి. అరచేతులు ఎర్రగా మరితే వారికి గుండె సంబంధింత వ్యాధులు వచ్చే అవకాశాలున్నాయట.
అలాగే అలా ఎర్రగా మరితే మెదడులోని రక్తస్రావానికి కూడా సంకేతమని చెబుతున్నారు. అలాగే కరోనరీ ధమనుల సమస్య, హై బీపీ, మూత్రపిండాల సమస్య, ఆస్థమా వంటి వ్యాధులకు సంకేతాలని చెబుతున్నారు. వీటితో పాటుగా పనిలో ఒత్తిడి, సరిగా నిద్రలేకపోవడం, మధ్యం సేవించడం మూలంగా కూడా అరచేతులు ఇలా మారతాయట. కాని ఇలా మారడం వల్ల పెద్దగా ఆందోళన పడాల్సిన అవసరం లేదని చెబుతున్నారు. అలాగే గులాబీ రంగులోకి అరచేతులు మారిన వారు అదృష్టవంతులని తెలుపుతున్నారు. ఇలాంటి వారు మానసికంగానూ, శారీరకంగానూ చాలా ఆరోగ్యంగా ఉంటారని వెళ్లడిస్తున్నారు.
అలాగే తెల్ల రంగులోకి అరచేతులు మారిన వారు రక్త హీనతతో బాధపడతారని అంటున్నారు. అలాగే వీరిలో బీపీ చాలా తక్కువగా ఉంటుందని భావిస్తున్నారు. అలాగే నీలం రంగులోకి మారిన వారు ఇతరులపై ఎక్కువగా ఆదారపడతారని హస్త సాముద్రిక పండితులు భావిస్తున్నారు. అజీర్తి, గుండె, ఉదర వ్యాధులతో వీరు బాధపడతారని చెబుతున్నారు. అలాగే ఎవరివైతే అరచేతులు పసుపు రంగులో ఉంటాయో వారు కష్టజీవులట. వీరు ఎక్కువగా పిత్తాశయ, ప్యాంకియాట్రిక్ వ్యాధులతో బాధపడతారట. ఇది కేవలం మీ అవగాహన కోసమే.. దీనిపై ఆందోళన పడాల్సిన అవసరం లేదు.
