Shivalinga: లింగ దొండ, శివలింగ కాయలు లలో శివలింగం కొలువుదీరి ఉంటుంది.. ఇది అక్షర సత్యం.. ఈ కాయల విత్తనాలు శివ లింగం ఆకారంలో దర్శనమిస్తాయి.. ఆ మహా శివుడి ఈ శివలింగం కాయలను సృష్టించి వుంటాడని.. తాను ఉన్నానని తెలియజేస్తున్నానని ప్రజలు విశ్వసిస్తారు..!
ఈ కాయలలో కొలువుదీరిన శివలింగాన్ని చూస్తుంటే ఈశ్వరుడు ఈ రూపంలో అందరి కష్టాలు తీరుస్తారని.. అందర్నీ కాపాడతానని సందేశం ఇస్తున్నట్లుగా అనిపిస్తాయి.. శివ భక్తులు ఈ కాయలోని గింజలతో కార్తీక మాసం లో విశేష పూజలు చేస్తుంటారు. ఈ గింజలతో శివుడిని పూజిస్తే సకల పాపాలు పోయి కోరిన కోరికలు తీరతాయని ప్రతీతి. ఈ గింజలతో శివారాధన చేస్తే ఫలితం అనంతం. ఈ శివలింగ కాయల తీగ మొక్కను ప్రతి శివాలయంలోను పెంచుతారు.
లింగ రూపంలో ఉన్న ఈ గింజలు ఆరోగ్యానికి మేలు చేస్తాయి. సంతాన సమస్యలతో బాధపడుతున్న వారు ఈ కాయల విత్తనాలను పొడి చేసుకుని.. గోరు వెచ్చని నీటితో కలిపి రుతుక్రమం వచ్చిన మొదటి రోజు నుంచి ఐదు రోజులు తాగాలి. లేదంటే పాలలో కలిపి మొదటి ఐదు రోజులు తాగాలి. రుతుక్రమం ఆలస్యంగా వస్తుంటే ఈ గింజల పొడిని పాలలో కలిపి తీసుకుంటే రుతుక్రమ దోషాలు తొలగిపోతాయి. ఈ తీగ ఆకుల రసంలో తేనె కలిపి తీసుకుంటే జీర్ణ సంబంధిత సమస్యలు తగ్గుతాయి. మలబద్దకం ను నివారిస్తుంది. జ్వరంతో బాధపడుతున్న వారు ఈ గింజల పొడిని 2 గ్రాముల తీసుకుంటే తగ్గిపోతుంది. ఈ తీగ ఆకులు మధుమేహాన్ని అదుపులో ఉంచుతాయి. ఈ గింజలను ఒకేసారి 9 గింజలకు మించి తీసుకోకూడదు.