వరుసగా ఏపీలో జరుగుతున్న టీడీపీ నేతల అరెస్టుల విషయంలో మరో ఆప్షన్ లేకో ఏమో కానీ.. బీసీ కార్డునే వాడుతున్నారు చంద్రబాబు, మిగిలిన టీడీపీ నేతలు! జగన్ సర్కార్ చేస్తున్న అరెస్టులను అవినీతి, అక్రమాలను అణగదొక్కే చర్యల్లో భాగంగా ఆ అరెస్టులను చూడకుండా.. బీసీలను అణగదొక్కే చర్యలుగా ప్రతిభింబించే ప్రయత్నాలు చేస్తున్నారు. ఈ క్రమంలో నిజంగా బాబుకు బీసీలపై అంత ప్రేమ ఉంటే… కొల్లు రవీంద్ర అరెస్టు విషయంలో… హత్య చేయబడింది కూడా బీసీనే అన్న సంగతి అలా ఉంచితే.. తాను కూడా బీసీనే అంటూ ఫైరయ్యారు ఏపీ మంత్రి అనీల్ కుమార్ యదవ్!
గతంలో తనను గొర్రెలు కాసుకునేవాడు అని లోకేష్ చౌదరి, రాజేంద్రప్రసాద్ చౌదరీలు అవమానపరిచారని.. బీసీలపై టీడీపీ నేతలకు ఉన్న ప్రేమ, గౌరవం అలాంటిదని అనీల్ కుమార్ చెబుతున్నారు. హత్యానేరలంలో అరెస్టయిన మాజీ మంత్రి విషయంలో బీసీలపై ప్రేమ గుర్తుకు వచ్చిందే కానీ.. ఆ హత్య కాబడిన వ్యక్తి ఒక బీసీ అని, ఈ పనివల్ల ఆ బీసీ కులానికి చెందిన వ్యక్తి కుటుంబం కూడా రోడ్డునపడిందన్న విషయం టీడీపీ నేతలు, చంద్రబాబు ఎందుకు గ్రహించడం లేదని.. కనీసం ఆ హత్యాను కూడా ఖండించలేదని, ఆ బీసీ కుటుంబానికి సానుభూతిని కూడా ప్రకటించలేదని విరుచుకుపడుతున్నారు!
వైకాపాకు చెందిన బీసీని ఇష్టమొచ్చినట్టు ఏదైనా అనొచ్చనే అహంకారం టీడీపీ నేతల్లో ఉందంటున్న అనిల్ కుమార్ యాదవ్.. వైసీపీలో ఉన్న బీసీలకు ఒక న్యాయం, టీడీపీ అవినీతి అక్రమాలకు పాల్పడిన బీసీలకు ఒక న్యాయం ఉంటుందా అని ప్రశ్నిస్తున్నారు. దీంతో… తాను కూడ బీసీనే అని అనీల్ కూడా బీసీ కార్డు తీయడంతో… బాబుకు బీసీలపైన ఉన్నది నిజమైన ప్రేమ అయితే.. అనీల్ ని కూడా ఇకపై విమర్శించకూడదు. అలా కానిపక్షంలో అవినీతి అక్రమాల్లో అరెస్టయిన బీసీలే బాబు దృష్టిలో బీసీలు అని ఒప్పుకున్నట్లవుతుంది! సో… బాబుకు నిజంగా బీసీలపై ప్రేమ ఉంటే… ఇక అనీల్ పై టీడీపీ నుంచి విమర్శలు ఉండవన్న మాటలు వినిపిస్తున్నాయి!
