Kajal agarwal : చందమామ కాజల్ అగర్వాల్ పెళ్ళికి ముందు ఎంత జోరు మీదుందో పెళ్ళి తర్వాత కూడా అంతే జోరు మీదుంది. వరుసగా కొత్త ప్రాజెక్ట్స్ కమిటవుతూ పూజా హెగ్డే, రష్మిక మందన్న, కీర్తి సురేశ్, సాయి పల్లవి లాంటి వారికి గట్టి పోటీ ఇస్తోంది. అంతేకాదు తన తోటి హీరోయిన్స్ తమన్నా, నయనతార లాంటి వారికి పోటీగానే సినిమాలు కమిటవుతోంది. ఒకవైపు సినిమాలు మరొకవైపు వెబ్ సిరీస్ లతో కాజల్ దూకుడుగా ఉంది. ఇటీవలే ఈమె మెగాస్టార్ చిరంజీవి సరసన నటించిన ఆచార్య సినిమాను కంప్లీట్ చేసింది. ఈ సినిమా ప్రస్తుతం పోస్ట్ ప్రొడక్షన్స్ వర్క్ సాగుతోంది. ఇక రెండవసారి మెగాస్టార్ తో నటించడం కూడా విశేషం.
ఇక ప్రస్తుతం అక్కినేని నాగార్జున – ప్రవీణ్ సత్తారు కాంబినేషన్‌లో తెరకెక్కుతున్న భారీ యాక్షన్ ఎంటర్‌టైనర్‌లో కాజల్ హీరోయిన్‌గా నటిస్తోంది. ఇటీవలే సెట్స్ మీదకి వచ్చిన ఈ సినిమా సెకండ్ షెడ్యూల్ శరవేగంగా సాగుతోంది. కాగా సైలెంట్‌గా కాజల్ అగర్వాల్ కెరీర్ లో ఎప్పుడు చేయనంత జెట్ స్పీడ్‌లో ఓ బాలీవుడ్ సినిమాను కంప్లీట్ చేసింది. ఇంతకాలం ఈ సినిమా కి సంబంధించి ఒక్క వార్త కూడా బయటకి రానివ్వలేదు. కానీ తాజాగా ఈ సినిమాకి సంబంధించి సాలీడ్ అప్‌డేట్ ఇచ్చి కాజల్ షాకిచ్చింది.
Kajal agarwal : హిందీలో కాజల్ అగర్వాల్ ఉమ అనే సినిమాను పూర్తి చేసింది.
హిందీలో కాజల్ అగర్వాల్ ఉమ అనే సినిమాను పూర్తి చేసింది. ఈ విషయాన్ని సోషల్ మీడియా ద్వారా తెలిపారు. జెట్ స్పీడ్ లో ఉమ సినిమాను పూర్తి చేసినట్లుగా చిత్ర యూనిట్ సభ్యులు తెలుపుతూ ఈ సినిమాలో కీలక పాత్రలను పోషిస్తున్న నటీ నటులను పరిచయం చేస్తూ ఓ వీడియోను వదిలారు. ఈ చిన్న వీడియో నెట్టింట వైరల్ అవుతోంది. ఇక కాజల్ ఈ సినిమాను ఎప్పుడు కమిటయింది..ఎప్పుడు పూర్తి చేసింది అంటూ అభిమానులు షాక్ లో ఉన్నారు. కాగా ఉమ సినిమా అతి త్వరలో భారీ స్థాయిలో రిలీజ్ చేసేందుకు మేకర్స్ ప్లాన్ చేస్తున్నారు. కాగా ఈ సినిమాతో తథాగతా సింఘా దర్శకుడిగా బాలీవుడ్ కి పరిచయం అవుతుండగా, అవికేష్ ఘోష్ ఈ సినిమాను నిర్మిస్తున్నారు.
