Sreeleela: రాఘవేంద్ర రావు దర్శకత్వ పర్యవేక్షణలో తెరకెక్కిన `పెళ్లి సందD` సినిమాతో తెలుగు ఇండ‌స్ట్రీలోకి అడుగు పెట్టిన అందాల భామ శ్రీ‌లీల. శ్రీ‌కాంత్ త‌న‌యుడు రోష‌న్ హీరోగా తెరకెక్కిన ఈ చిత్రం విడుదలైనప్పుడు మిక్స్డ్ టాక్ ను సొంతం చేసుకున్న‌ప్ప‌టికీ.. బాక్సాఫీస్ వద్ద భారీ క‌లెక్ష‌న్ల‌ను రాబ‌ట్టి హిట్‌గా నిలిచింది.
ముఖ్యంగా ఈ మూవీలో శ్రీ‌లీల అందం, అభిన‌యం, న‌ట‌నకు ప్రేక్ష‌కులు ఫిదా అయిపోయారు. దీంతో మొద‌టి సినిమాతోనే సూప‌ర్ క్రేజ్ ద‌క్కించుకున్న ఈ బ్యూటీ.. ప్ర‌స్తుతం వ‌రుస ఆఫ‌ర్ల‌ను అందుకుంటూ దూసుకుపోతోంది.
అయితే ఆఫ‌ర్ల ప‌రంగానే కాదు.. రెమ్యున‌రేష‌న్ విష‌యంలోనూ త‌గ్గేదే లే అంటోంది శ్రీ‌లీల. మొద‌టి చిత్రానికి రూ. 5 ల‌క్ష‌ల వ‌ర‌కు రెమ్యున‌రేష‌న్ పుచ్చుకున్న ఈ భామ.. ఇప్పుడు ఒక్కో సినిమాకు రూ. కోటి వ‌ర‌కు డిమాండ్ చేస్తూ నిర్మాత‌ల‌కు చుక్క‌లు చూపిస్తోంద‌ట.
మ‌రి ఇందులో ఎంత వ‌ర‌కు నిజ‌ముందో తెలీదుగానీ.. ఈ వార్త సోషల్ మీడియాలో మాత్రం తెగ వైర‌ల్ అవుతోంది. కాగా, సినిమాల విష‌యానికి వ‌స్తే.. కన్నడలో `బై టు లవ్`, `జుబారియా` అనే సినిమాల్లో శ్రీ‌లీల న‌టిస్తోంది. అలాగే `ధమాకా` సినిమాలో మాస్ మ‌హారాజ్ ర‌వితేజ స‌ర‌స‌న న‌టించే అవ‌కాశాన్ని కూడా ఈ బ్యూటీ ద‌క్కించుకుంది. వీటితో పాటు వైష్ణవ్ తేజ్, నవీన్ పోలిశెట్టిలకు జోడీగా రెండు సినిమాలకు శ్రీలీలను ఫిక్స్ చేశార‌ని తెలుస్తోంది.
Heeramandi: హిరామండి సిరీస్ లో గోల్డ్ సీన్స్ చేయడానికి కారణం ఇదే.. అసలు నిజాలను బయటపెట్టిన సోనాక్షి సిన్హా..!