Balakrishna: టాలీవుడ్ ఇండస్ట్రీలో కుర్ర హీరోలలో తిరుగులేని క్రేజ్ ఉన్న హీరో విజయ్ దేవరకొండ. కాగా ప్రస్తుతం గత కొన్ని సంవత్సరాల నుండి వరుస ఫ్లాపుల్లో ఉన్నాడు. అయినాగానీ క్రేజ్ ఏ మాత్రం చెక్కు చెదరలేదు. ప్రస్తుతం డాషింగ్ డైరెక్టర్ పూరి జగన్నాథ్ దర్శకత్వంలో “లైగర్” అనే సినిమా చేస్తున్న సంగతి తెలిసిందే. ఇటీవలే ఈ సినిమాకి సంబంధించి షూటింగ్ మొత్తం కూడా కంప్లీట్ అయినట్లు పూరి జగన్నాథ్ ఆడియో మెసేజ్ ద్వారా తెలియజేయడం జరిగింది.
కుదిరితే ఆగస్టు లేదా జులై నెలలో సినిమా రిలీజ్ ఉంటుందని కూడా మేకర్స్ అంటున్నారు. ఇదిలా ఉంటే ఈ సినిమాలో గెస్ట్ రోల్ లో బాలయ్య బాబుని… పూరి జగన్నాథ్ చూపించినట్లు లేటెస్ట్ టాక్ ఇండస్ట్రీలో వినపడుతోంది. గతంలో పూరీ దర్శకత్వంలో బాలయ్య బాబు “పైసా వసూల్” అనే సినిమా చేయడం జరిగింది. ఆ సినిమాలో బాలయ్య కి అదిరిపోయే పాత్ర పూరి.. రాసినా గాని సినిమా పెద్దగా ఆడలేదు. కానీ పూరికి బాలయ్య బాగా కనెక్ట్ అయిపోయారు. అంతేకాకుండా త్వరలో మళ్లీ ఇద్దరం సినిమా కలిసి చేస్తున్నట్లు తెలిపారు.
ఈ క్రమంలో బాలకృష్ణపై పూరికి ప్రత్యేకమైన అభిమానం ఉండటంతో…”లైగర్” లో.. కీలకమైన పాత్ర బాలకృష్ణకి రాసినట్లు అదే సినిమాను మలుపు తిప్పనున్నట్లు.. వార్తలు వస్తున్నాయి. ఇదే మూవీలో వరల్డ్ బాక్సింగ్ ఛాంపియన్ మైక్ టైశాన్ కూడా ఓ కీలకమైన పాత్రలో కనిపిస్తున్నాడు. ఇదిలా ఉంటే ప్రస్తుతం బాలయ్యబాబు గోపీచంద్ మలినేని దర్శకత్వంలో మాస్ ఎంటర్టైన్మెంట్ తరహాలో సినిమా చేస్తూ ఉన్నారు. దీని తర్వాత అనిల్ రావిపూడి దర్శకత్వం లో సినిమా చేయనున్నారు. ఆ తర్వాత మళ్లీ పూరి జగన్నాథ్ దర్శకత్వంలో బాలయ్య బాబు సినిమా చేయనున్నట్లు ఇండస్ట్రీ టాక్.