Family star OTT budget: విజయ్ దేవరకొండ.. రౌడీ హీరోగా తెలుగు రాష్ట్రాల్లో మంచి పేరు ప్రఖ్యాతలు సంపాదించుకున్న పేరు. గీత గోవిందం, అర్జున్ రెడ్డి వంటి బ్లాక్బస్టర్లు తన ఖాతాలో వేసుకున్న విజయ్ లైగర్ సినిమాతో భారీ అపజయాన్ని వెలుగు చూశాడు. అనంతరం సమంతతో ఖుషి మూవీ లో నటించి మరోసారి ఫామ్ లోకి వచ్చాడు. ఇక ఈసారి అర్జున్ రెడ్డి రేంజ్ లో బ్లాక్ బస్టర్ కొట్టాలి అనే ఆశతో ప్రేక్షకుల ముందుకి వచ్చేందుకు రెడీ అయ్యాడు. మృణాల్ ఠాకూర్ హీరోయిన్ గా విజయ్ దేవరకొండ హీరోగా తాజాగా నటిస్తున్న మూవీ ఫ్యామిలీ స్టార్. వీరిద్దరి కాంబినేషన్లో ఇది తొలి సినిమా కనుక ఈ మూవీ పై భారీ హైప్స్ నెలకున్నాయి.
ఇక ఈ మూవీకి పరశురాం దర్శకత్వం వహిస్తున్నారు. గతంలో పరుశురాం మరియు విజయ దేవరకొండ కాంబినేషన్లో వచ్చిన గీతాగోవిందం ఎంతటి విజయవంతం అయ్యిందో మనందరికీ తెలిసిందే. ఇక ప్రస్తుతం వీరి కాంబినేషన్లో రానున్న సినిమా కూడా ఆ రేంజ్ సక్సెస్ సాధిస్తుందని ప్రతి ఒక్కరూ భావిస్తున్నారు. ఇక ఈ మూవీ యొక్క అంచనాలకు తగినట్లే ఫ్యామిలీ స్టార్ ఫస్ట్ లుక్, టీజర్, సాంగ్స్ ప్రతి ఒక్కరిని ఆకర్షించాయి. ఇటీవల రిలీజ్ అయిన ఈ మూవీ ఒక టీజర్ కు మంచి రెస్పాన్స్ దక్కింది. ఇక ఈ మూవీ ని ప్రముఖ నిర్మాణ సంస్థ శ్రీ వెంకటేశ్వర క్రియేషన్స్ బ్యానర్ పై స్టార్ ప్రొడ్యూసర్ దిల్ రాజు మరియు తన మేనల్లుడు శిరీష్ నిర్మిస్తున్నారు.
అదేవిధంగా ఫ్యామిలీ స్టార్ మూవీ కి క్రియేటివ్ ప్రొడ్యూసర్ గా వాసు శర్మ వ్యవహరిస్తున్నారు. ఈ మూవీ ఏప్రిల్ 5న తెలుగు, తమిళ్, హిందీ భాషల్లో గ్రాండ్ గా రిలీజ్ కానుంది. ఇక ఈ నేపథ్యంలోనే ఫ్యామిలీ స్టార్ ఓటిటి డీల్ ఆసక్తికరంగా మారింది. కోట్ల రూపాయల పెట్టుబడి వెనుక తిరిగి సినిమా ప్రొడ్యూసర్ చేతికి వచ్చే ఓటిటి రైట్స్ వాటా ఎప్పుడు కీలకంగానే ఉంటుంది. ఇక అలా ఫ్యామిలీ స్టార్ విషయంలో నిర్మాత దిల్ రాజుకు ఆ వాటా వచ్చేసినట్లు తెలుస్తుంది. ఈ విషయంలో దిల్ రాజు సేఫ్ అయినట్లు తెలుస్తుంది.
ఈ మూవీ యొక్క ఓటిటి రైట్స్ డీల్ క్లోజ్ అయినట్లు సమాచారం. ఈ మూవీ ఓటిటి రైట్స్ ను ప్రముఖ ఓటిటి సమస్త అమెజాన్ ప్రైమ్ భారీ ధరకు కొనుగోలు చేసినట్లు సమాచారం. ఇక దీనికి సంబంధించిన వివరాలను నేడు అనగా మార్చి 19న అధికారికంగా ప్రకటించనున్నట్లు సమాచారం. ఈ మూవీ యొక్క ఓటిటి డీల్ క్లోజ్ అవ్వడంతో థియేట్రికల్ బిజినెస్ పై నిర్మాతలు ఫోకస్ చేశారట. ఇక శ్రీ వెంకటేశ్వర క్రియేషన్స్ సంస్థలు 54వ చిత్రంగా ఫ్యామిలీ స్టార్ రూపొందడం గమనార్హం. మరి ఈ మూవీ యొక్క థియేట్రికల్ బిజినెస్ ఏ విధంగా జరుగుతుందో చూడాలి..!