Gopichand: యాక్షన్ చిత్రాల హీరోగా టాలీవుడ్లో క్రేజ్ తెచ్చుకున్న టాల్ స్టార్ గోపీచంద్ గత కొన్నేళ్ళుగా హిట్స్ దక్కక సతమతమవుతున్నాడు. ఎప్పుడో లాక్ డౌన్ కి ముందు ఈ హీరో ‘గౌతమ్ నంద’ సినిమా చేశాడు. డ్యూయల్ రోల్లో నటించిన ఈ సినిమాకు సంపత్ నంది దర్శకత్వం వహించాడు. భారీ అంచనాల మధ్య వచ్చిన ఈ సినిమా భారీ డిజాస్టర్గా మిగిలింది. ఇక మూడేళ్ళ గ్యాప్ తీసుకున్న ఈ యాక్షన్ హీరో సంపత్ నంది దర్శకత్వంలోనే మళ్ళీ సీటీమార్ అనే సినిమా చేశాడు.. ఇందులో హీరోయిన్గా తమన్నా నటించింది.
కబడ్డీ ఆట నేపథ్యంలో తెరకెక్కిన ఈ సినిమా పాజిటివ్ టాక్ తెచ్చుకున్నా కూడా ఎందుకనో గోపీచంద్కు ఆశించిన కమర్షియల్ హిట్ ఇవ్వలేకపోయింది. అందరు హీరోలు పాన్ ఇండియా రేంజ్ సినిమాలు చేస్తూ దూసుకెళుతుంటే రేస్లో గోపీ మాత్రం వెనక బడ్డాడు. దాంతో ఇప్పుడు సాలీడ్ హిట్స్ కొట్టాలని పట్టుదలగా కొత్త ప్రాజెక్ట్స్ను ఎంచు కుంటున్నాడు. ఇప్పటికే మారుతితో కలిసి పక్కా కమర్షియల్ అనే కంప్లీట్ మాస్ ఫ్యామిలీ ఎంటెర్టైనర్ సినిమాను చేస్తున్నాడు. రాశిఖన్నా హీరోయిన్గా నటిస్తున్న ఈ సినిమాను చిత్రబృందం జూలైలో ప్రేక్షకుల ముందుకు తీసుకు రావాలని ప్లాన్ చేస్తున్నారు.
Gopichand: పోలీస్ కథతోనే హరి గోపీచంద్ ను ఒప్పించాడట.
ఈ నేపథ్యంలో గోపీచంద్ తన నెక్స్ట్ సినిమాను తమిళ యాక్షన్ చిత్రాల దర్శకుడుగా పేరు తెచ్చుకున్న హరితో చేయాలని డిసైడయినట్టు తాజా సమాచారం. ఈ దర్శకుడికి తమిళంలో మంచి క్రేజ్ ఉంది. సూర్యతో సింగం సిరీస్ తెరకెక్కించి వరుసగా హిట్స్ ఇచ్చాడు. ఈ సిరీస్ సినిమాలతో సూర్య క్రేజ్ కోలీవుడ్లో బాగా పెరిగింది. అందుకే, పోలీస్ కథతోనే హరి గోపీచంద్ను ఒప్పించాడట. దీనికి సంబంధించిన అధికారిక ప్రకటనతో పాటు షూటింగ్ కూడా మొదలవబోతున్నట్టు తాజాగా వార్తలు వచ్చి సోషల్ మీడియా లో చక్కర్లు కొడుతున్నాయి. మరి గోపి – హరి కొత్త ప్రాజెక్ట్ను ఎప్పుడు అనౌన్స్ చేస్తారో చూడాలి.
Brahmamudi: బ్రహ్మముడి లో రుద్రాణి పాత్రలో నటిస్తున్న షర్మిత గౌడ రెమ్యూనరేషన్ ఎంతో తెలుసా..!