Ustaad Bhagat Singh: పవర్ స్టార్ పవన్ కళ్యాణ్ సినిమా హీరోగా కెరియర్ స్టార్ట్ చేసిన తరువాత స్టార్టింగ్ నుండి “ఖుషి” వరకు బ్యాక్ టు బ్యాక్ విజయాలు అందుకున్నారు. “ఖుషి” తర్వాత దాదాపు పది సంవత్సరాలు సరైన హిట్టు లేక కెరియర్ పరంగా అనేక ఇబ్బందులు ఎదుర్కొన్నారు. అటువంటి పరిస్థితులలో 2012లో హరిష్ శంకర్.. దర్శకత్వంలో “గబ్బర్ సింగ్” అనే సినిమా చేసి.. అద్భుతమైన విజయాన్ని అందుకోవటం జరిగింది. పవన్ కళ్యాణ్ కెరియర్ లో బిగ్గెస్ట్ బ్లాక్ బస్టర్ హిట్టుగా ఆ టైంలో నిలిచింది. మళ్లీ ఇప్పుడు దశాబ్ద కాలం తర్వాత హరీష్ శంకర్ దర్శకత్వంలో పవన్ “ఉస్తాద్ భగత్ సింగ్” అనే సినిమా చేస్తున్నారు.
ఈ సినిమాలో పవన్ కళ్యాణ్ గబ్బర్ సింగ్ లో మాదిరిగానే పోలీస్ పాత్రలో కనిపిస్తున్నారు. ఈ క్రమంలో ఈ సినిమాకి సంబంధించి విడుదలైన పోస్టర్స్ మరియు స్పెషల్ వీడియోలు సినిమాపై అంచనాలు పెంచేయడం జరిగింది. వచ్చే సంక్రాంతి పండుగకు ఈ సినిమా విడుదల చేయబోతున్నారు. ఈ క్రమంలో సోషల్ మీడియాలో ఎప్పుడూ యాక్టివ్ గా ఉండే హరీష్ శంకర్..”ఉస్తాద్ భగత్ సింగ్” గురించి ఎప్పటికప్పుడు అభిమానులకు అప్ డేట్స్ ఇస్తుంటారు. సాధ్యమైనంత వరకు అందరికీ నచ్చే రీతిలో తాను చిత్రీకరించబోతున్నట్లు తెలుపుతున్నారు.
ఇదిలా ఉంటే అప్పట్లో తీసిన “గబ్బర్ సింగ్” ఇంటర్వెల్ బ్లాక్ ఫ్యాన్స్ వైరల్ చేస్తూ ఉండగా హరీష్ చాలా సింపుల్ గా జవాబు ఇచ్చాడు. జస్ట్ “ఉస్తాద్ భగత్ సింగ్” కోసం అంతా వెయిట్ చేయండి అంటూ తెలిపాడు. దీంతో డెఫినెట్ గా “గబ్బర్ సింగ్” నీ మించి అదిరిపోయే ఇంటర్వెల్ బ్యాంగ్ “ఉస్తాద్ భగత్ సింగ్”లో హరీష్ ప్లాన్ చేసినట్లు ఫ్యాన్స్ భావిస్తున్నారు. సంక్రాంతి పండుగ కానుకగా “ఉస్తాద్ భగత్ సింగ్” విడుదల కాబోతోంది. ఈ సినిమాలో పవన్ కళ్యాణ్ సరసన హీరోయిన్ గా శ్రీ లీల నటిస్తోంది. మైత్రి మూవీ మేకర్స్ నిర్మిస్తున్న ఈ సినిమాకి దేవి శ్రీ ప్రసాద్ సంగీతం అందిస్తున్నారు.