Vishal: తమిళ్ హీరో విశాల్ గురించి ప్రత్యేకంగా చెప్పనవసరం లేదు. తమిళం తో పాటు తెలుగులో కూడా మనోడికి మార్కెట్ ఉంది. మాస్ ప్రేక్షకులలో విపరీతమైన క్రేజ్ ఉన్న విశాల్… తన కొత్త సినిమా “లాఠీ” ప్రమోషన్ కార్యక్రమంలో పాల్గొనడం జరిగింది. ఈ సందర్భంగా ఆంధ్రప్రదేశ్ రాష్ట్ర ముఖ్యమంత్రి వైఎస్ జగన్ అంటే తనకి ఇష్టమని తెలిపారు. ఇదే సందర్భంలో తాను వైసీపీ పార్టీలో జాయిన్ కావడం లేదని కుప్పంలో పోటీ చేయడం లేదని క్లారిటీ ఇచ్చారు. చంద్రబాబుపై పోటీ చేస్తున్నట్లు వస్తున్న వార్తలు వాస్తవం లేదని స్పష్టం చేశారు. ఐ లవ్ సీఎం జగన్. జగన్ అంటే గుండెల్లో నుండి ఇష్టం వస్తుంది. నేను ఓటు వేయాల్సి వస్తే జగన్ కే వేస్తా. నేను ఏపీ రాజకీయాల్లోకి రావడం లేదు. కుప్పంలో నాకు వ్యాపారాలు ఉన్నాయి.
అక్కడ ప్రతి వీధి నాకు తెలుసు. తాను సినిమా రంగంలో… రాజకీయాలలో ఉండే ఎమ్మెల్యేల కంటే ఎక్కువగానే సంపాదిస్తానని పేర్కొన్నారు. ప్రజలకు సేవ చేయాలంటే రాజకీయాలు ఒకటే మార్గం కాదు. కానీ ఖచ్చితంగా సేవే ప్రధాన లక్ష్యంగా భవిష్యత్తులో మాత్రం రాజకీయాల్లోకి రావడం గ్యారెంటీ అని పేర్కొన్నారు. ఇదే సందర్భంలో హీరో పవన్ కళ్యాణ్ అంటే ఇష్టం అని స్పష్టం చేశారు. ఇదిలా ఉంటే నేడు సీఎం జగన్ తో హీరో విశాల్… బేటి కానున్నారు. ఈ భేటీకి ఎటువంటి రాజకీయ ప్రాధాన్యత లేదు. ఆంధ్రప్రదేశ్ రాష్ట్ర ముఖ్యమంత్రి వైఎస్ జగన్ ఎప్పటినుండి చంద్రబాబు కంచుకోట కుప్పం బద్దలు కొట్టాలని ప్రయత్నాలు చేస్తున్నారు.
ఈ క్రమంలో అధికారంలోకి వచ్చాక స్థానిక ఎన్నికలలో టీడీపీ పార్టీని చిత్తుచిత్తుగా ఓడించారు. ఈ క్రమంలో కుప్పంలో చంద్రబాబుకి పోటీగా హీరో విశాల్ వైసీపీ నుండి బరిలో దింపడానికి జగన్ రెడీ అయినట్లు అప్పట్లో వార్తలు వచ్చాయి. అయితే ఈ వార్తలపై విశాల్ స్పందించి… వాటిలో వాస్తవం లేదని పేర్కొన్నారు. లాఠీ సినిమా డిసెంబర్ 23న రిలీజ్ కు రెడీగా ఉంది. ఈ నేపథ్యంలో సినిమాకు సంబంధించిన ప్రమోషన్ కార్యక్రమాలలో పాల్గొని కీలక వ్యాఖ్యలు చేయడం జరిగింది.
Family Star OTT Response: థియేటర్లలో అట్టర్ ఫ్లాప్.. ఓటీటీలో టాప్ లో ట్రెండింగ్.. థియేటర్లలోనే ఆడాలా ఏంటి? అంటున్న ఫ్యామిలీ స్టార్..!