ileana: టాలీవుడ్ టాప్ హీరోయిన్ సమంత ఈ మధ్య ఐకాన్ స్టార్ అల్లు అర్జున్ హీరోగా తెరకెక్కిన `పుష్ప` సినిమా కోసం తొలిసారి ఐటెం భామగా మారిన సంగతి తెలిసిందే. ఈ చిత్రంలో సమంత చేసిన `ఊ అంటావా మామ.. ఉఊ అంటావా మామా` ఐటెం సాంగ్ అన్ని భాషల్లోనూ దుమ్ముదులిపేసింది. ఈ సాంగ్లో సామ్ వేసిన మాస్ స్టెప్పులే కాదు.. ఆమె హవాభావాలు, హాట్ పోజులు మతిపోగొట్టేశాయి. ఈ ఒక్క సాంగ్తోనే సామ్ క్రేజ్ మరో లెవల్కి చేరిందనే చెప్పాలి.
అంతేకాదు, సమంత ఎఫెక్ట్తో మరికొందరు హీరోయిన్లు సైతం ఐటెం సాంగ్స్ చేసేందుకు ముందడుగు వేస్తున్నారు. ఈ లిస్ట్లో త్వరలోనే ఒకప్పటి టాలీవుడ్ స్టార్ హీరోయిన్ ఇలియానా కూడా చేరబోతోందట. చాలా కాలంగా టాలీవుడ్లోకి రీ ఎంట్రీ ఇవ్వాలని ప్రయత్నాలు చేస్తున్న ఇలియానాను.. తాజాగా మాస్ మహారాజ్ రవితేజ అదుకున్నాడట.
ప్రస్తుతం రవితేజ చేస్తున్న చిత్రాల్లో `రామారావు ఆన్ డ్యూటీ` ఒకటి. శరత్ మండవ దర్శకత్వం వహిస్తున్న ఈ చిత్రంలో దివ్యాంక కౌశిక్, రజిషా విజయన్ హీరోయిన్లుగా నటిస్తున్నారు. ఎస్ఎల్వీ సినిమాస్ ఎల్ఎల్పీ బ్యానర్ మీద సుధాకర్ చెరుకూరి నిర్మిస్తున్న ఈ చిత్రంలో ఓ మాస్ మసాలా ఐటెం సాంగ్ ఉంటుందట.
అయితే ఆ సాంగ్ను ఇలియానాతో చేయిస్తే బాగుంటుందని రవితేజ సూచించారట. దాంతో దర్శకనిర్మాతలు ఇలియానాను సంప్రదించగా.. ఆమె వెంటనే ఎస్ చెప్పిందని సోషల్ మీడియాలో ప్రచారం జరుగుతోంది. మరి ఇందులో నిజమెంతో తెలియాల్సి ఉంది.