Virat Kohli: ఇండియన్ క్రికెట్ స్టార్ బ్యాట్స్ మ్యాన్ విరాట్ కోహ్లీ గురించి ప్రత్యేకంగా చెప్పనవసరం లేదు. అంతర్జాతీయ క్రికెట్ రంగంలో విరాట్ కోహ్లీ పేరిట అనేక రికార్డులు ఉన్నాయి. ప్రముఖ భారతదేశ మాజీ ఆటగాడు సచిన్ టెండూల్కర్ కి సంబంధించి అనేక రికార్డులను విరాట్ బ్రేక్ చేయడం జరిగింది. ప్రపంచంలోనే టాప్ మోస్ట్ బ్యాట్స్మెన్ విరాట్ కోహ్లీ. స్వదేశంలో లేదా విదేశాలలో ఎక్కడైనా ఎటువంటి పిచ్ అయినా.. ప్రత్యర్థి ఎవరైనా… క్రీజ్ లో నిలదొక్కుకున్నాడు అంటే… పరుగుల సునామీ సృష్టిస్తారు. ఎలాంటి బాల్స్ అయినా ఎదుర్కొనటంలో కోహ్లీ ఆటతీరే వేరు.
గత ఏడాది జరిగిన అంతర్జాతీయ ప్రపంచ కప్ టోర్నీలో అద్భుతమైన బ్యాటింగ్ చేయడం జరిగింది. ప్రస్తుతం ఇంగ్లాండ్ తో జరుగుతున్న టెస్ట్ మ్యాచ్ సిరీస్ నుండి కోహ్లీ తప్పుకున్నారు. భార్య అనుష్క శర్మ ప్రెగ్నెంట్ కావడంతో ఆమె దగ్గర ఉంటూ జాగ్రత్తలు తీసుకుంటూ ఉన్నారు. కాగా ఫిబ్రవరి 20వ తారీకు అనుష్క.. విరాట్ దంపతులు రెండో బిడ్డకు జన్మనివ్వడం జరిగింది. 2017లో కోహ్లీ అనుష్క పెళ్లి జరిగింది. మొదట ఆడపిల్లకు జన్మనిచ్చారు. ఇప్పుడు రెండో బిడ్డకు జన్మనిచ్చిన భారత స్టార్ క్రికెటర్ విరాట్ కోహ్లి, అనుష్క దంపతులు తమ కొడుకుకు ‘అకాయ్’ అని పేరు పెట్టారు.
“అకాయ్” అంటే ప్రకాశించే చంద్రుడని అర్థం. ఈ పేరు టర్కిష్ మూలానికి చెందినది. ఇక మొదటి కుమార్తెకు ‘వామిక’ అని నామకరణం చేసిన విషయం తెలిసిందే. “వామిక” అంటే దుర్గాదేవి అని అర్థం. శివుడిలో సగభాగమైన పార్వతీ దేవి మరోపేరు అది. అలాగే విరాట్ అనుష్క పేర్లు కలిసేలా ఈ పేరు ఉండటం విశేషం. విరాట్ కోహ్లీకి కొడుకు పుట్టడంతో సోషల్ మీడియాలో భారీ ఎత్తున అభిమానులు శుభాకాంక్షలు తెలియజేస్తున్నారు.
Family Star OTT Response: థియేటర్లలో అట్టర్ ఫ్లాప్.. ఓటీటీలో టాప్ లో ట్రెండింగ్.. థియేటర్లలోనే ఆడాలా ఏంటి? అంటున్న ఫ్యామిలీ స్టార్..!