Bheemla Naayak: “బీమ్లా నాయక్” ప్రీ రిలీజ్ వేడుకకు ముఖ్య అతిథిగా హాజరైన టిఆర్ఎస్ మంత్రి కేటీఆర్ హీరో పవన్ కళ్యాణ్ ని పొగడ్తలతో ముంచెత్తారు. ఈ వేడుకకు ఒక మంత్రిగా రాజకీయ నాయకుడిగా కాకుండా… సోదరుడిగా రావటం జరిగిందని స్పష్టం చేశారు. 4 సంవత్సరాల క్రితం ఇదే గ్రౌండ్ లో చరణ్ సినిమా ఫంక్షన్ కి హాజరైన టైంలో పవర్ స్టార్ ప్రస్తావన వస్తే జనాల నుండి మంచి రెస్పాన్స్ వచ్చిందని పవన్ కళ్యాణ్ కి అప్పటి అనుభవాలు వేదిక సాక్షిగా కేటీఆర్ పంచుకున్నారు. మీ పేరు చెబితే అభిమానులు అరుపులతో వాళ్ళతో మాట్లాడడం ఇవ్వలేదని… ప్రజెంట్ కూడా మాట్లాడాలని ఇవ్వటం లేదు అంటూ కేటీఆర్ నవ్వుతూ చెప్పరు.
ఇక ఇదే సమయంలో 26 సంవత్సరాల క్రితం తన కాలేజ్ డేస్ లో “తొలిప్రేమ” సినిమా చూడటం జరిగింది. అప్పటినుండి ఇప్పటివరకు అదే స్టార్ డాం మెయింటైన్ చేయటం అభిమానులలో సుస్థిర స్థానం సంపాదించడం మామూలు విషయం కాదని అది పవన్ కళ్యాణ్ కి మాత్రమే సాధ్యమవుతుందని కేటీఆర్ పొగడ్తలతో ముంచెత్తారు. తెలుగు చలన చిత్ర పరిశ్రమ కోసమే కాకుండా భారతదేశ చలనచిత్ర పరిశ్రమకు హైదరాబాద్ సినీ హబ్ గా మారటం జరిగిందని కేటీఆర్ స్పష్టం చేశారు.
తెలుగు చలనచిత్ర పరిశ్రమ కోసం తెలంగాణ ప్రభుత్వం ఎటువంటి సహకారం అయిన అందించడానికి రెడీగా ఉందని.. కేటీఆర్ భరోసా ఇచ్చారు. “బీమ్లా నాయక్” సినిమా కోసం పనిచేసిన సాంకేతిక నిపుణులకు నటీనటులకు.. కేటీఆర్ శుభాకాంక్షలు తెలిపారు. ముఖ్యంగా తెలంగాణ ప్రాంతం నల్గొండ జిల్లా వాసి సినిమా డైరెక్టర్ కె సాగర్ చంద్ర నీ.. కేటీఆర్ ప్రత్యేకంగా అభినందించారు. మొగలయ్యా వంటి కళాకారులను గుర్తించినందుకు కూడా సినిమా యూనిట్ కి కృతజ్ఞతలు తెలిపారు.
Family Star OTT Response: థియేటర్లలో అట్టర్ ఫ్లాప్.. ఓటీటీలో టాప్ లో ట్రెండింగ్.. థియేటర్లలోనే ఆడాలా ఏంటి? అంటున్న ఫ్యామిలీ స్టార్..!