Pawan Kalyan: 2003వ సంవత్సరంలో పవన్ కళ్యాణ్ నటించిన “జానీ” సినిమా విడుదలయ్యింది. ఈ సినిమాతో పవన్ కళ్యాణ్ దర్శకుడిగా పరిచయమయ్యారు. అప్పటికే “ఖుషి” వంటి బ్లాక్ బస్టర్ హిట్టు అందుకుని దర్శకుడిగా పవన్ చేసిన “జానీ” సినిమా భారీ అంచనాలు మధ్య విడుదలయ్యి అట్టర్ ఫ్లాప్ అయ్యింది. ఫైట్స్ పరంగా మెప్పించిన గాని స్టోరీ పరంగా బ్యాగ్రౌండ్ మ్యూజిక్ పరంగా ప్రేక్షకులను ఆకట్టుకోలేకపోయింది. హాలీవుడ్ రేంజ్ తరహాలో పవన్ కళ్యాణ్ “జానీ” సినిమా చేయడం జరిగింది. ఇదిలా ఉంటే సరిగ్గా ఇప్పుడు “జానీ” సినిమా తరహా క్యారెక్టర్జేషన్ సుజిత్ దర్శకత్వంలో “ఓజీ”లో పవన్ చేయబోతున్నట్లు వార్తలు వస్తున్నాయి.
విషయంలోకి వెళ్తే జానీ సినిమాలో మార్షల్ ఆర్ట్స్ ట్రైనర్ గా చిన్న తరహా గ్యాంగ్ స్టార్ లుక్ లో పవన్ కళ్యాణ్ కనిపిస్తాడు. సరిగ్గా ఇప్పుడు “ఓజి” మూవీ లో కూడా.. పవన్ కళ్యాణ్ పాత్ర మార్షల్ ఆర్ట్స్ ట్రైనర్ గా మాత్రమే కాకుండా గ్యాంగ్ స్టార్ అదే విధంగా ప్రజలకు నాయకుడిగా ఉండబోతున్నట్లు ఇండస్ట్రీ వర్గాలు అంటున్నాయి. సెప్టెంబర్ నెలలో “OG” మూవీ రిలీజ్ కాబోతోంది. ఈ సినిమాకి తమన్ సంగీతం అందిస్తున్నారు. ఇప్పటికే ఈ సినిమాకి సంబంధించి విడుదలైన స్పెషల్ వీడియోలు అంచనాలు మరింతగా పెంచేయడం జరిగింది. పవన్ కళ్యాణ్ ప్రస్తుతం ఎన్నికల ప్రచారంలో ఫుల్ బిజీగా ఉన్నారు.
ఏపీలో మరో నలభై రోజుల్లో ఎన్నికలు జరగబోతున్నాయి. జనసేన పార్టీ అధినేతగా పవన్ కళ్యాణ్ విస్తృతంగా పర్యటిస్తున్నారు. ఈసారి పిఠాపురం నియోజకవర్గం నుండి ఎమ్మెల్యేగా పోటీ చేస్తున్నారు. కచ్చితంగా గెలిచి అసెంబ్లీలో అడుగు పెట్టాలని భావిస్తున్నారు. దీంతో చేస్తున్న సినిమా షూటింగ్స్ మొత్తం ఆపేయడం జరిగింది. ఈ ఎన్నికలు అయిపోయిన వెంటనే పవన్ కళ్యాణ్ ముందుగా ఓజి బ్యాలెన్స్ షూటింగ్ కంప్లీట్ చేయబోతున్నారట. డివివి దానయ్య నిర్మించిన ఈ సినిమాపై పవన్ ఫ్యాన్స్ భారీ అంచనాలు పెట్టుకున్నారు.