Salaar: నెట్‌ఫ్లిక్స్ ఇండియాలో ఓటీటీలో చరిత్ర సృష్టిస్తున్న “సలార్”..!!

Salaar: యాంగ్ రెబల్ స్టార్ ప్రభాస్ యాక్షన్ థ్రిల్లర్ “సలార్” బ్లాక్ బస్టర్ కావడం తెలిసిందే. “కేజీఎఫ్” దర్శకుడు ప్రశాంత్ నీల్ దర్శకత్వంలో తెరకెక్కిన “సలార్” రెండు భాగాలుగా తెరకెక్కగా ఫస్ట్ పార్ట్ “సలార్” డిసెంబర్ 22, 2023న ప్రపంచవ్యాప్తంగా గ్రాండ్‌గా విడుదలై బాక్సాఫీస్ వద్ద భారీ విజయాన్ని సాధించింది. సినిమా సూపర్ డూపర్ హిట్ అయిన గాని నెలలోనే ఓటీటీలో స్ట్రీమింగ్ అవుతోంది. జనవరి 20 నుంచి ప్రముఖ OTT ప్లాట్‌ఫామ్‌ నెట్ ఫ్లిక్స్ లో “సలార్” పార్ట్ 1 అందుబాటలో ఉంది. “సలార్” హిందీతో పాటు ఇతర ప్రధాన భారతీయ భాషలలో స్ట్రీమింగ్ అవుతోంది.

కాగా నెట్‌ఫ్లిక్స్ ఇండియాలో “సలార్” మేనియా కొనసాగుతుందని ఇప్పటికే ఓ కథనం వచ్చిన సంగతి తెలిసిందే. సలార్ పార్ట్ 1 అత్యధిక వీక్షకులతో నెట్‌ఫ్లిక్స్ ఇండియాలో అగ్రస్థానంలో ఉంది. తెలుగు మరియు తమిళ వెర్షన్‌లు మొదటి రెండు స్థానాలను ఆక్రమించినట్లు అప్‌డేట్‌లు కూడా చేయబడ్డాయి. కన్నడ, మలయాళ వెర్షన్లు 5, 7 స్థానాల్లో ఉన్నాయి. తాజాగా ప్రభాస్ అభిమానులకు మరో ఇంట్రెస్టింగ్ న్యూస్ వచ్చింది. పాన్ ఇండియా స్టార్ ప్రభాస్ హీరోగా నటించిన “సలార్” సినిమా ఓటీటీలోనూ అదరగొడుతోంది. ఈనెల 20 నుంచి ‘నెటిక్స్’లో స్ట్రీమింగ్ అవుతున్న “సలార్”.. నాన్ ఇంగ్లీష్ సినిమాల జాబితాలో గ్లోబల్ టాప్-10లో నిలిచింది.

దీంతో ‘ఖాన్సార్ హీరో ఇప్పుడు ప్రపంచవ్యాప్తమయ్యాడు. ప్రజెంట్ కేవలం తెలుగు, తమిళం, మలయాళం, కన్నడ భాషల్లోనే అందుబాటులో ఉంది. త్వరలో ఇంగ్లీష్ లోనూ ప్రసారం అవుతుంది’ అని ‘నెట్‌ఫ్లిక్స్’ ట్వీట్ చేసింది. అంతేకాదు నెట్‌ఫ్లిక్స్ యొక్క టాప్ 10 గ్లోబల్ చార్ట్‌లలో నాన్ ఇంగ్లీష్ సినిమాల జాబితాలో “సలార్” మూడవ స్థానంలో ఉంది. జనవరి 15 మరియు 21 మధ్య “సలార్” ఈ అరుదైన ఘనతను సాధించింది. వరుస పరాజయాలలో ఉన్న ప్రభాస్ ఈ సినిమాతో భారీ బ్లాక్ బస్టర్ హిట్ అందుకోవడం జరిగింది. ప్రపంచవ్యాప్తంగా దాదాపు 700 కోట్లకు పైగానే ఈ సినిమా కలెక్షన్స్ సాధించింది. గత ఏడాది ఇండియన్ ఫిలిం ఇండస్ట్రీలో హైయెస్ట్ ఓపెనింగ్స్ రాబట్టిన సినిమాగా “సలార్” రికార్డు క్రియేట్ చేయడం జరిగింది. ఇప్పుడు ఓటీటీలో కూడా అదే రీతిలో చరిత్ర సృష్టిస్తూ స్ట్రీమింగ్ అవుతుంది.