Sukumar: రాజశేఖర్ హీరోగా, జీవిత దర్శకత్వం చేసిన ‘శేఖర్’ సినిమా ఈ నెల 20వ తేదీన రిలీజ్ కాబోతోంది. ఈ తరుణంలో నిన్న రాత్రి ప్రీ రిలీజ్ ఈవెంట్ ను జరుపుకుంది. ఈ వేడుకకి ముఖ్య అతిథిగా దర్శకుడు సుకుమార్ వచ్చాడు. మొదట మాట్లాడిన జీవిత సినిమా టిక్కెట్ల రేట్ల విషయం గురించి మాట్లాడుతూ.. “కోవిడ్ తరువాత జనాలు థియేటర్ కి రావడం తగ్గింది. ఈ క్రమంలో సినిమా టిక్కెట్ల రేట్లు పెంచడంతో ఇంకా రావడం మానేశారు. అయితే మేము మాత్రం మా సినిమా టిక్కెట్ల రేట్లు పెంచమని అడగం. దయచేసి మా సినిమా చూసి, ఆదరించండి.” అని అన్నారు.
- Read the latest news from NEWSORBIT
- Follow us on facebook , Twitter , instagram and Googlenews
సుకుమార్ వ్యాఖలు:
ఈ వేదికపై చివరగా సుకుమార్ మాట్లాడుతూ.. “రాజశేఖర్ గారికి, నాకు ఓ అవినాభావ సంబంధం వుంది. ఈ సందర్భంగా మీరు ఓ విషయం చెబుతాను. ఆహుతి, ఆగ్రహం, అంకుశం, తలంబ్రాలు వంటి సినిమాలు చూసి ఆయనకి వీరాభిమానిని అయిపోయాను. మొట్టమొదటిసారిగా నేను మా ఊళ్లో రాజశేఖర్ గారిని ఇమిటేట్ చేసి, ఫేమస్ అయ్యాను. దాంతో అందరూ నా చుట్టూ చేరి, రాజశేఖర్ గారిని ఇమిటేట్ చేయమని అడుగుతూ ఉండేవారు. అలా సినిమాలకి సంబంధించి నేను కూడా ఏదైనా చేయగలను అనే ఒక నమ్మకం నాపై నాకు కలగడానికి కారణం రాజశేఖర్ గారే అని చెప్పడానికి నేను సిగ్గుపడను!” అని అన్నారు.
మరింత సమాచారం
ఇంకా సుకుమార్ మాట్లాడుతూ.. “సినిమా ఫీల్డ్ అనగానే మన పిల్లలను దూరం పెడుతుంటాము. ఇదే ప్రొఫెషన్లో ఉంటూ, ఇక్కడే డబ్బులు సంపాదిస్తున్నవారు తమ ఫ్యామిలీని మాత్రం సినిమా ఇండస్ట్రీకి దూరం పెడుతుంటారు. కానీ రాజశేఖర్ గారు తన ఇద్దరు ఆడపిల్లలను ముందుకు తీసుకుని వచ్చి సినిమాల్లో నిలబెట్టారు చూశారా? అందుకు నేను ఆయనకి హ్యాట్సాఫ్ చెబుతున్నాను. ఈ సినిమా ఫీల్డ్ చాలా పవిత్రమైనదని ఆయన చెప్పకనే చెప్పారు. తాను ఉన్న సినిమా ఫీల్డ్ ను ఆయన గౌరవించారు. దానికి అందరం వారిని అభినందించాలి.” అని అన్నారు.
Nani: ఓడియమ్మ.. నాని సీరియల్స్ లో నటించాడా?.. ఏ సీరియల్ అంటే…!