Pawan Kalyan: పవన్ కళ్యాణ్ హీరోగా తెరకెక్కుతున్న సినిమాలలో “OG” ఒకటి. సుజిత్ దర్శకత్వంలో ఈ సినిమా తెరకెక్కుతోంది. మొన్నటి వరకు సినిమాకి సంబంధించి షూటింగ్ శరవేగంగా జరిగింది. అయితే ఆంధ్రప్రదేశ్ రాష్ట్రంలో ఎన్నికలు నేపథ్యంలో.. రెండు నెలలలో ఎన్నికలు నేపథ్యంలో షూటింగ్లకు బ్రేక్ ఇవ్వడం జరిగింది. ప్రస్తుతం పార్టీ కార్యక్రమాలలో పవన్ ఫుల్ బిజీగా ఉన్నారు. 2024 ఎన్నికలలో గెలుపే లక్ష్యంగా పవన్ కళ్యాణ్ రకరకాల కార్యక్రమాలు నిర్వహిస్తున్నారు. ప్రస్తుతం నియోజకవర్గాల వారీగా నాయకులతో సమావేశాలు నిర్వహిస్తున్నారు. వచ్చే మార్చి నెల… పోలింగ్ అయ్యేవరకు పవన్ కళ్యాణ్ రాజకీయాలలోనే బిజీగా ఉండబోతున్నారు.
దీంతో ఆయన చేస్తున్న సినిమా షూటింగ్స్ మొత్తం ఆగిపోయాయి. “OG” షూటింగ్ కూడా ఆగిపోయింది. ఇలాంటి పరిస్థితులలో ఈ సినిమాని నిర్మిస్తున్న డీవీవీ దానయ్య అర్ధాంతరంగా ప్రాజెక్టు నుండి తప్పుకున్నట్లు ఓ వార్త వైరల్ అవుతుంది. ఈ వార్తపై డీవీవీ నిర్మాణ సంస్థ స్పందించి… అవన్నీ తప్పుడు వార్తలని ఖండించింది. “OG” మనది. “OG” ఎప్పటికీ మనదే. పవన్ కళ్యాణ్ గారి సినిమా ఎలా ఉండబోతుందో మాకు ఒక క్లారిటీ ఉంది. మేము ఆ రీతిగానే ముందుకు సాగుతున్నం. ఆకలి ఎక్కువకాలం ఉంటుంది. కానీ చిరుత తన వేటను వదిలిపెట్టదు” అని ట్వీట్ లో తెలపడం జరిగింది. “OG”లో పవన్ కళ్యాణ్ గ్యాంగ్ స్టార్ గా కనిపిస్తున్నారు.
ముంబై బ్యాక్ డ్రాప్ నేపథ్యంలో ఈ సినిమా చిత్రీకరణ జరుపుకుంటుంది. ఈ సినిమాలో ఇమ్రాన్ హష్మీ విలన్ పాత్ర చేస్తున్నారు. ఈ సినిమాకి సంబంధించి సగానికి పైగా షూటింగ్ కంప్లీట్ అయింది. అయితే మధ్యలో రాజకీయ కార్యక్రమాల కారణంగా కొన్నిసార్లు షూటింగులు వాయిదా పడటం జరిగింది. అయితే ఇప్పుడు ఎన్నికల దగ్గర పడటంతో పవన్ కళ్యాణ్ పూర్తిగా షూటింగ్లకు దూరమయ్యారు. ఇంకా రెండు నెలలు మాత్రమే ఎన్నికలకు సమయం ఉండటంతో పవన్ కళ్యాణ్… పూర్తిగా పాలిటిక్స్ పై దృష్టి పెట్టారు. దీంతో “OG” మాత్రమే కాదు హరిహర వీరమల్లు, ఉస్తాద్ భగత్ సింగ్ సినిమా షూటింగ్స్ కూడా ఆగిపోయాయి.
Getup Srinu: పవన్ కి సపోర్ట్ చేస్తున్నారు.. మీకు ఇబ్బంది ఉండదా?.. యాంకర్ ప్రశ్నకి గెటప్ శ్రీను దిమ్మ తిరిగే సమాధానం ..!