Keerthi Suresh: సౌత్ స్టార్ హీరోయిన్గా గుర్తింపు పొందిన వారిలో కీర్తి సురేష్ ఒకరు. మహానటి బయోగ్రఫీ లో సావిత్రి పాత్రను అద్భుతంగా పోషించి నేటితరం వారికి సావిత్రి గొప్పదనాన్ని తెలియజేసింది. అదేవిధంగా ఈ సినిమాలో ఈ ముద్దుగుమ్మ నటనకు అనేక ప్రశంసలు దక్కాయి. ఇక ఇటీవలే దసరా సినిమాతో సాలిడ్ క్రాకర్ వెలిగించిన కీర్తి సూపర్ సక్సెస్ ని అందుకుంది. ఇక అనంతరం చిరంజీవికి చెల్లిగా ” భోళా శంకర్ ” సినిమాలో నటించినప్పటికీ పెద్దగా గుర్తింపు పొందలేకపోయింది. ఇక ప్రస్తుతం టాలీవుడ్ అనే కాక బాలీవుడ్ మరియు హాలీవుడ్ లో కూడా పెళ్లిళ్ల ట్రెండ్ నడుస్తుంది.
సినిమాలో వారు ఎలా అయితే ఒక లవ్ స్టోరీ ని చూపిస్తారో రియల్ లైఫ్ లో కూడా అదే విధంగా తమ లవ్ ట్రాక్స్ ని బయటపెడుతూ పెళ్లి పీటలు ఎక్కుతున్నారు. మీ లవ్ ఎప్పటినుంచి మొదలైంది అని అడుగుతుంటే మేము ఫస్ట్ సినిమా చేసినప్పుడు నుంచే లవ్లో పడ్డామంటూ షాక్ ఇస్తున్నారు. అలా స్టార్ హీరోయిన్ అయితే స్టార్ హీరోని హీరో అయితే స్టార్ హీరోయిన్ని ఎంచుకుంటూ పెళ్లిళ్ల రంగంలో చాలా బిజీగా ఉన్నారు. ఇక తాజాగా కీర్తి కూడా ఇదే పని చేసిందంటూ ఒక వార్త సోషల్ మీడియాలో వైరల్ అవుతుంది. నిజానికి కీర్తి సురేష్ పై ప్రేమ మరియు ఎఫైర్స్ అంటూ అనేక వార్తలు వైరల్ అవుతూనే ఉంటాయి.
అయినప్పటికీ వాటిని మోటివేషన్ కింద తీసుకుని తన పని తాను చేసుకుంటూ పోతది కీర్తి. ఇక ఇటీవలే హాలీవుడ్ స్టార్ డైరెక్టర్ అనిరుద్ రవిచంద్రన్ తో కీర్తికి ఎఫైర్ ఉందని అనేక పుకారులు షికార్లు చేశాయి. ఇక వీటిపై కీర్తి స్పందించకపోయినప్పటికీ తన కుటుంబ సభ్యులు ఎప్పటికప్పుడు ఖండిస్తూనే ఉన్నారు. ఇక కొన్నేళ్ల క్రితం తమిళ్ ప్రముఖ కమెడియన్ సతీష్ ను కీర్తి వివాహం చేసుకున్నట్లు అనేక వార్తలు వెదజల్లాయి. ఇక వీరిద్దరి పెళ్లి ఫోటోలు సైతం సోషల్ మీడియాలో చెక్కర్లు కొట్టడంతో అందరూ నిజమేనని నమ్మారు. ఇక తాజాగా ఆ వార్తలపై సతీష్ స్పందించారు.
ఓ ఇంటర్వ్యూలో పాల్గొన్న సతీష్ మాట్లాడుతూ..” అప్పట్లో కొన్ని ఫోటోలు వైరల్ అయిన సంగతి మీకు తెలుసు నాకు తెలుసు. నిజానికి మేము ఒక సినిమా పూజా కార్యక్రమాలలో దండలు వేసుకోవాల్సి వచ్చింది. చిత్ర బృందం మొత్తం మాలలు వేసుకున్నాం. ఆ క్రమంలోనే కొన్ని ఫోటోలు సైతం దిగాం. ఇక ఆ ఫొటోస్ లో నన్ను కీర్తి సురేష్ ని కట్ చేసి మా ఇద్దరికీ పెళ్లయింది అంటూ అనేక పుకార్లు వెదజల్లారు. వాస్తవానికి ఆ వార్తలలో ఎటువంటి నిజం లేదు. అవంతా సినిమాకి సంబంధించిన ఫొటోస్ మాత్రమే ” అంటూ క్లారిటీ ఇచ్చాడు సతీష్. ప్రస్తుతం ఈయ‌న వ్యాఖ్యలు సోషల్ మీడియాలో వైరల్ గా మారాయి.