Pushpa : పుష్ప సినిమాలో అనసూయ నటిస్తుందంటూ గతకొన్ని రోజులుగా సోషల్ మీడియాలో రక రకాల వార్తలు వస్తున్న సంగతి తెలిసిందే. అందుకు కారణం ఇంతకముందు అనసూయ సుకుమార్ దర్శకత్వంలో వచ్చిన రంగస్థలం సినిమాలో రంగమ్మత్త పాత్రలో కనిపించి విపరీతమైన పాపులారిటీని దక్కించుకోవడమే. రంగస్థలం సినిమా అనసూయ కెరీర్ లో ఎప్పటికీ నిలిచిపోయే సినిమా. అందుకే ఈ సినిమా తర్వాత అనసూయ టాలీవుడ్ లో నటిగా అద్భుతమైన సినిమాలలో అవకాశాలు వస్తున్నాయి.
క్రియేటివ్ డైరెక్టర్ కృష్ణవంశీ దర్శకత్వంలో రంగ మార్తాండ సినిమా చేస్తోంది. ఈ సినిమాలో అనసూయ పాత్ర కూడా చాలా పేరు తెచ్చేదిగా ఉంటుందట. ఇక కొన్ని సినిమాలలో ఛాలెంజింగ్ రోల్స్ తో పాటు ఐటెం సాంగ్స్ లో కూడా అనసూయ కనిపించబోతోంది. ఈ క్రమంలో అల్లు అర్జున్ రష్మిక మందన్న జంటగా తెరకెకుతున్న పుష్ప సినిమాలో కూడా మంచి సుకుమార్ రోల్ ఇచ్చాడని చెప్పుకుంటున్నారు. అందరు ఇది నిజమే అంటూ వార్తలు రాసేస్తున్నారు.
Pushpa : ‘ పుష్ప’ సినిమాలో తాను నటించట్లేదని తెలిపిన అనసూయ..!
కానీ తాజాగా ఈ విషయంలో అనసూయ క్లారిటీ ఇచ్చింది. ‘పుష్ష’ సినిమాలో తాను నటించట్లేదని.. ఇప్పటి వరకూ ఆ సినిమాకు సంబంధించిన ప్రతిపాదన ఏదీ తన వద్దకు రాలేదని తెలిపింది. ఒకవేళ సుకుమార్ ఆఫర్ ఇస్తే మాత్రం.. తప్పకుండా చేస్తాని చెప్పింది. అంటే అనసూయ పుష్ప సినిమా లో ఎలాంటి రోల్ చేయడం లేదని తేలిపోయింది. ఇక రీసెంట్ గా చావుకబురు చల్లగా అన్న సినిమాలో అనసూయ చేస్తున్న స్పెషల్ సాంగ్ రిలీజై ప్రేక్షకులను బాగా ఆకట్టుకుంటోంది.
