రియల్మి సి11 ఆండ్రాయిడ్ స్మార్ట్ఫోన్ ఇండియాలో మంగళవారం విడుదలైంది. ఇందులో అద్భుతమైన ఫీచర్లను అందిస్తున్నారు. ధర కూడా చాలా తక్కువే. ఈ ఫోన్లో హెచ్డీ ప్లస్ రిజల్యూషన్ ఉన్న 6.52 ఇంచుల డిస్ప్లేను ఇచ్చారు. 2.3 గిగాహెడ్జ్ మీడియాటెక్ హీలియో జి35 ప్రాసెసర్ ఉంది. ఆండ్రాయిడ్ 10 ఇందులో ఉంది. వెనుక వైపు 13 మెగాపిక్సల్ ప్రధాన కెమెరా, 2 మెగాపిక్సల్ డెప్త్ సెన్సార్ ఉన్నాయి. ముందు వైపు 5 మెగాపిక్సల్ సెల్ఫీ కెమెరా ఉంది. దీనికి నైట్ స్కేప్ మోడ్ను ఇచ్చారు. అందువల్ల చీకట్లోనూ ఫొటోలు నాణ్యంగా వస్తాయి.
ఈ ఫోన్లో ఉన్న డిస్ప్లేకు గొరిల్లా గ్లాస్ ప్రొటెక్షన్ కూడా ఉంది. 2జీబీ ర్యామ్ను ఇచ్చారు. 32జీబీ ఇంటర్నల్ స్టోరేజ్ ఉంది. మెమొరీని మైక్రో ఎస్డీ కార్డు ద్వారా 256 జీబీ వరకు పెంచుకోవచ్చు. డ్యుయల్ సిమ్లతోపాటు మైక్రోఎస్డీ కార్డును కూడా ఈ ఫోన్లో వేసుకోవచ్చు. డ్యుయల్ 4జి వీవోఎల్టీఈ ఫీచర్ ఉన్నందున రెండు 4జి సిమ్లను ఏకకాలంలో వాడుకోవచ్చు. బ్లూటూత్ 5.0 ఇచ్చారు.
ఈ ఫోన్లో ఫింగర్ ప్రింట్ సెన్సార్ లేదు. 5000 ఎంఏహెచ్ కెపాసిటీ ఉన్న బ్యాటరీ ఉంది. దీనికి ఫాస్ట్ చార్జింగ్ సపోర్ట్ ఇచ్చారు. రియల్మి సి11 ఫోన్ను జూలై 22వ తేదీ నుంచి విక్రయిస్తారు. ఫ్లిప్కార్ట్లో కొనుగోలు చేయవచ్చు. రూ.7,499 ధరకు ఈ ఫోన్ లభిస్తుంది.