F 3 : ఎఫ్ 3.. బ్లాక్ బస్టర్ హిట్ సినిమా ఎఫ్ 2కి సీక్వెల్ గా రూపొందుతోంది. ఎఫ్ 2లో నటించిన ప్రధాన తారాగణమంతా ఎఫ్ 3లోనూ నటిస్తున్నారు. ఎఫ్ 2, 2019 సంక్రాంతికి రిలీజై భారీ హిట్ సాధించింది. ఫన్ అండ్ ఫ్రస్టేషన్ అంటూ వెంకటేశ్ – వరుణ్ తేజ్ చేసిన సందడికి ఫ్యామిలీ ఆడియన్ పట్టం కట్టారు. ఊహించని విధంగా ఈ సినిమా 100 కోట్లకి పైగా వసూళ్ళు రాబట్టి టాలీవుడ్ లో మంచి కమర్షియల్ హిట్ గా నిలిచింది. దిల్ రాజు నిర్మాతగా అనిల్ రావిపూడి దర్శకత్వంలో ఈ సినిమా రూపొందింది. అయితే ఈ సినిమా సీక్వెల్ ఉంటుందని ఊహించని అభిమానులకు మేకర్స్ సీక్వెల్ ప్రకటించి సర్ప్రైజ్ చేశారు.
ఈ సీక్వెల్ మూవీ కూడా దాదాపు 80 శాతం చిత్రీకరణ పూర్తయింది. కరోనా కారణంగా ఆగిపోయింది గానీ లేదంటే ఈ ఏడాదిలోనే రిలీజ్ కావాల్సింది. అయితే ఎలాగో లేటయింది కాబట్టి ఎఫ్ 2 వచ్చిన సంక్రాంతి సీజన్ లోనే ఎఫ్ 3 ని రిలీజ్ చేయాలని దిల్ రాజు బృందం నిర్ణయించుకున్నారు. ఇటీవల వెంకటేశ్ నటించిన నారప్ప అమెజాన్ ప్రైం లో రిలీజై హిట్ టాక్ తెచ్చుకుంది. మేకర్స్ కు కూడా బాగానే లాభాలొచ్చాయి. వెంకటేశ్ ఎంతో ఛాలెంజింగ్ గా తీసుకొని నారప్ప చేశాడు. చాలా మందికి ఈ సినిమా మీద అంతగా నమ్మకాలు లేవు. కానీ రిలీజయ్యాక హిట్ గా నిలిచింది.
F 3 : 2022 సంక్రాంతికి నాలుగు పెద్ద సినిమాలు భారీ స్థాయిలో పోటీ పడనున్నాయి.
ఈ సందర్భంగా సక్సెస్ మీట్ నిర్వహించారు. ఇందులో పాల్గొన్న వెంకటేశ్ ఎఫ్ 3 రిలీజ్ పై క్లారిటీ ఇచ్చారు. సంక్రాంతికి ఎఫ్ 3తో వచ్చి నవ్వించబోతున్నట్టు వెంకీ తెలిపాడు. దాంతో ఇప్పటికే డేట్ ఫిక్స్ చేసుకున్న ..త్వరలో డేట్ లాక్ చేసుకోవాలనుకుంటున్న హీరోలకి షాక్ తగిలినట్టే అంటున్నారు. ఇప్పటికే మహేష్ బాబు, ప్రభాస్ తమ సినిమాల రిలీజ్ డేట్ అనౌన్స్ చేశారు. త్వరలో పవన్ కళ్యాణ్ – రానాల మల్టీస్టారర్ ఏకే తెలుగు రీమేక్ కూడా సంక్రాంతికి వస్తోంది. కానీ ఇంకా డేట్ ఫిక్స్ చేయలేదు. దీంతో ఇప్పుడు బాక్సాఫీస్ వద్ద 2022 సంక్రాంతికి నాలుగు పెద్ద సినిమాలు భారీ స్థాయిలో పోటీ పడనున్నాయి. చూడాలి మరి ఏ సినిమా రేంజ్ ఎలా ఉంటుందో.