Omega-3: ప్రతి ఒక్కరూ తీసుకునే ఆహారపు అలవాట్లపైనే వారి ఆరోగ్యం ఆధారపడి ఉంటుంది. ఆరోగ్యానికి మేలు చేసే ఆహారం తీసుకుంటే వారి ఆయుషు పెరుగుతుంది. ఆరోగ్యానికి హాని కల్గించే వాటిని తీసుకుంటే వారి ఆయుషు తగ్గుతుంది. ఒమేగా – 3 లో ఉండే ఫ్యాటీ యాసిడ్స్ గుండె ఆరోగ్యాన్ని పెంచడంలోనూ, గుండె మంటను తగ్గించడంలోను, బరువు పెరగడాన్ని నియంత్రించడంలో ఉపయోగపడతాయి. మంచి కొలెస్ట్రాల్ మీ గుండెకు అందించి ఆరోగ్యంగా ఉంచడానికి దోహదపడుతుంది. ఒమెగా 3 ఫ్యాటీ యాసిడ్స్ ఉన్న ఆహారాలు అర్డ్రైట్స్ అవసరమయ్యే ఫ్యాట్స్ ను అందించి ఆర్డిరియల్ వాల్స్ సున్నితంగా ఉంచుతుంది. తద్వారా మనిషి ఆయుర్ధాయం అయిదు సంవత్సరాలు పెరుగుతుందని ఓ అధ్యయనంలో వెల్లడైంది.
ది అమెరికన్ జర్నల్ ఆఫ్ క్లినికల్ న్యూట్రిషన్ అధ్యయనంలో కొవ్వు ఆమ్లాలు రక్తంలో ఎక్కువగా ఉన్న వ్యక్తులు లేని వారి కంటే అయిదు సంవత్సరాల వరకూ ఎక్కువ కాలం జీవిస్తారని సూచిస్తుంది. ఈ నిర్ధారణ కు రావడానికి పరిశోధకులు 65 ఏళ్లు పైబడిన వారిని 2240 మంది వ్యక్తులపై అధ్యయనం చేశారట. వారికి సంబంధించిన డేటాను పరిశీలించిన శాస్త్రవేత్తలు ఈ నిర్ధారణకు వచ్చినట్లు తెలుస్తోంది. దీంతో ఆహారంలో చిన్న మార్పులు మనం అనుకున్న దానికంటే చాలా శక్తివంతమైన ప్రభావాన్ని చూపుతాయనే విషయం నిర్ధారణ అయ్యింది. పొగాకు వాడకం జీవితాన్ని తగ్గించినట్లుగానే ఒమెగా 3 మనిషి ఆయుషుని పొడిగిస్తుందని తెలిపారు.