Shane Warne: ఆస్ట్రేలియా దిగ్గజ క్రికెటర్ స్టార్ స్పిన్నర్ బౌలర్ షేన్ వార్న్ మృతి చెందటం క్రీడా ప్రపంచానికి ఒక్కసారిగా షాక్ ఇచ్చినట్లు అయింది అన్న సంగతి తెలిసిందే. క్రికెట్ ప్రపంచంలో ఎన్నో మైలురాళ్లు అందుకుని అనేక రికార్డులు బౌలింగ్ పరంగా క్రియేట్ చేసిన షేర్ వార్న్ మరణ వార్త ఆస్ట్రేలియా క్రికెటర్లను ఎంతగానో కలిచివేసింది. ఇటువంటి తరుణంలో తాజాగా ఆస్ట్రేలియా మాజీ వికెట్ కీపర్ … ఒకప్పటి ఓపెనర్ గిల్ క్రిస్ట్ .. షేర్ వార్న్ మరణ వార్త పై కీలక వ్యాఖ్యలు చేశారు. షేర్ వార్న్ చనిపోవడానికి 8 గంటల ముందు తనకి మెసేజ్ చేశాడు అని స్పష్టం చేశారు. ఈ క్రమంలో అతడు నుండి వచ్చిన సందేశాన్ని ఎన్నడు డిలీట్ చేయాను అని గిల్ క్రిస్ట్ మాట ఇచ్చాడు. థాయిలాండ్ లో సొంత విల్లలో షేర్ వార్న్ మరణించిన క్రమంలో తాజాగా ఈ స్పిన్ మాంత్రికుడు మృతదేహాన్ని శుక్రవారం నాటికి ఆస్ట్రేలియాకు పంపించనున్నారు.
ఈ నేపథ్యంలో ఆస్ట్రేలియా క్రికెట్ ఆటగాళ్లు…షేర్ వార్న్ భౌతిక కాయాన్ని కడసారి చూడడానికి రెడీ అవుతున్నారు. మాజీ ఆస్ట్రేలియా క్రికెట్ కెప్టెన్ రికీ పాంటింగ్.. అయితే వార్న్ మరణవార్త తెలుసుకుని మీడియా ముందే కన్నీటిపర్యంతమయ్యారు. శుక్రవారం షేర్ వార్న్ బాడీ ఆస్ట్రేలియాకి వస్తున్న క్రమంలో ఏబీసీ న్యూస్‌తో మాట్లాడిన గిల్‌క్రిస్ట్‌ వార్న్‌తో అనుబంధాన్ని గుర్తు చేసుకున్నాడు.‘‘తనతో మాట్లాడి వారం కావస్తోంది. బహుశా తను చనిపోవడానికి ఎనిమిది గంటల ముందు అనుకుంటా.. నాకో చక్కని సందేశం పంపాడు. నన్ను ముద్దుగా చర్చ్‌ అని పిలిచేవాడు.
ఈ నిక్‌నేమ్‌ మా స్నేహితుల్లో అతి కొద్దిమందికి మాత్రమే తెలుసు. మరణించడానికి ముందు పంపిన సందేశంలో..‘‘చర్చ్‌, రాడ్ మార్ష్‌కు నువ్వు ఘన నివాళి అర్పించావు’’ అని కొనియాడాడు. అదే చివరిసారి తను నాకు పంపిన సందేశం. దానిని నా జీవితంలో డెలిట్‌ చేయను’’ అని గిల్‌క్రిస్ట్‌ భావోద్వేగానికి గురయ్యారు. ఇదిలా ఉంటే రాడ్ మర్ష్ చనిపోయిన కొద్ది గంటలకే వార్న్ చనిపోవడం ఆస్ట్రేలియా క్రీడా ప్రపంచాన్ని షాక్ కి గురి చేసింది. శుక్రవారం ఆస్ట్రేలియాకి ఈ స్పిన్నర్ మాంత్రికుడు షేన్ వార్న్ భౌతికకాయం వస్తున్న క్రమంలో.. ఆస్ట్రేలియా క్రికెట్ ఆటగాళ్లు.. అంత్యక్రియలలో పాల్గొనడానికి భారీగా వస్తున్నట్లు ఆస్ట్రేలియా మీడియా వార్తలలో తెలియజేస్తూ ఉంది.