Kanuga Chettu: కానుగ చెట్లను మన ఇంటి చుట్టుపక్కల పెరుగుతూనే ఉంటాయి.. పట్టణాలలో కూడా వీటిని చూస్తూనే ఉన్నాం.. ఇది కేవలం నీడకు మాత్రమే ఉపయోగపడతాయి అని చాలా మంది అనుకుంటారు.. అయితే ఈ చెట్టు ఆకులు, పూలు, కాండం, బెరడు, కొమ్మలు మన ఆరోగ్యానికి మేలు చేస్తాయన్న సంగతి కొద్ది మందికే తెలుసు.. ఈ ఈ చెట్టు లో అనేక రకాల ఔషధ గుణాలు ఉన్నాయి.. వీటిని ఎప్పటి నుంచో ఆయుర్వేద వైద్యంలో ఉపయోగిస్తున్నారు.. కానుగ చెట్టు చేసే ఆరోగ్య ప్రయోజనాలు ఏంటో ఇప్పుడు చూడండి..!!
Kanuga Chettu: కానుగ చెట్టు తో ఈ ఆరోగ్య సమస్యలు దరిచరవు..
ఉదయం లేచిన వెంటనే ఈ చెట్టు ని చూస్తే మంచిదని పెద్దలు భావిస్తారు. ఈ గాలిని పీల్చడం వల్ల అనేక ఆరోగ్య సమస్యలు దరిచేరవు. ఈ చెట్టు కాయలు ఆరోగ్యానికి ఎంతో ఉపయోగపడతాయి. శరీరం ఏదైనా దుర్వాసన వస్తున్నప్పుడు, శరీరంపై ఏవైనా దద్దుర్లు, పుండ్లు, గాయాలకు ఈ చెట్టు ఆకులు వాటిని దూరం చేస్తాయి. అలాగే అన్ని చర్మ సమస్యలకు కూడా ఈ చెట్టు అన్ని భాగాలు చాలా చక్కగా ఉపయోగపడతాయి. చర్మ సమస్యలు ఉన్నవారికి కూడా ఈ చెట్టు ఆకులు చాలా బాగా పనిచేస్తాయి.
కానుగ గింజలను, దిరిశన గింజలను చూర్ణంచేసి తేనె, నెయ్యిలను కలిపి తీసుకుంటే ఉన్మాదాలకు మంచి మందుగా పనిచేస్తుంది. శరీరాంతర్గత రక్తస్రావాన్ని ఆపే శక్తి కానుగకు వుంది. కానుగ గింజలను మెత్తగా నూరి తేనెతోనూ, నెయ్యితోనూ, పంచదారతోనూ కలిపి తీసుకుంటే అలాంటి రక్తస్రావం ఆగిపోతుంది.
బాహ్యాభ్యంతర రక్తస్రావం తగ్గేందుకు కానుగ గింజలను మెత్తగా నూరి వేడిచేసిన ఉప్పును కలిపి పెరుగుమీద తేటతో మూడురోజులపాటు తీసుకుంటే ఆ రక్తస్రావం నిలిచిపోతుంది. లేత కానుగ ఆకులను తెచ్చి ముద్దగా నూరి నువ్వుల నూనె, ఆవు నెయ్యిల మిశ్రమంలో వేయించి, వేయించిన గోధుమ పిండిని కలిపి తీసుకుంటే అరుగుదల పెరిగి, సుఖ విరేచనమై అర్శమొలలు తగ్గుతాయి.
కానుగ చెట్టు పుల్లతో పళ్లు తోముకుంటుంటే నాలుక మీద ఉండే రుచిగ్రాహక గ్రంథులు ఉద్దీపన చెంది రుచి పెరుగుతుంది. లేత కానుగ ఆకులను సేకరించి ముద్దగా నూరి రసం తీసుకోవాలి ఈ రసం తాగడం వల్ల విరోచనాలు అవకుండా ఉంటాయి. ఈ చెట్టు కాయలు చూడడానికి బాదం కాయ లా ఉంటాయి. ఇవి కాస్త వగరుగా ఉంటాయి. వీటి నుంచి తీసిన అనేక ఆరోగ్య సమస్యలను తగ్గిస్తుంది.
కానుగ ఆకులు, కాండం బెరడు, కానుగ వేర్లు, వేప చెట్టు బెరడును, జాజికాయలను, తానికాయలను కచ్చాపచ్చాగా దంచి నీళ్లలో వేసి కషాయం తయారుచేసి జలనేతి పాత్రతో గాని లేదా బల్బ్‌సిరంజితోగాని సైనస్‌లని శుభ్రపరిస్తే ఫలితం వుంటుంది. ఇలా కానుక చెట్టుతో ఎన్నో ఆరోగ్య ప్రయోజనాలున్నాయి.