Iliana: తెలుగు సినిమా రంగంలో వైవియస్ చౌదరి దర్శకత్వంలో రామ్ పోతినేని హీరోగా నటించిన తొలి సినిమా “దేవదాస్” లో హీరోయిన్ ఛాన్స్ అందుకుని తక్కువ టైమ్ లో ఇలియానా స్టార్ హీరోయిన్ అయింది. గోవా రాష్ట్రానికి చెందిన ఈ ముద్దుగుమ్మ రెండో సినిమా పూరి జగన్నాథ్ దర్శకత్వంలో మహేష్ హీరోగా నటించిన “పోకిరి” లో హీరోయిన్ ఛాన్స్ అందుకుని ఇండస్ట్రీ హిట్ అందుకుంది. పోకిరి దెబ్బకి ఇలియానా అందాలకి సినిమా ఇండస్ట్రీలో డైరెక్టర్లకు నిర్మాతలకు ఇలియానా లక్కీ హీరోయిన్ అయిపోయింది.
దీంతో టాలీవుడ్ ఇండస్ట్రీలో టాప్ హీరోలతో పాటు సౌత్ ఇండస్ట్రీలో అనేక సినిమాలు చేస్తూ బాలీవుడ్ ఇండస్ట్రీకి చెక్కేసింది. అయితే అక్కడ తొలినాళ్ళల్లో విజయాలు అందుకున్న గాని ప్రస్తుతం అవకాశాలు లేకపోవడంతో పాటు ప్రేమలో విఫలం అయ్యి అజ్ఞాతంలోకి వెళ్ళి పోయి ప్రస్తుతం అవకాశాల కోసం సోషల్ మీడియాలో అందాల ఆరబోత ఓ రేంజ్ లో చూపిస్తుంది. అటువంటి ఇలియానా తాజాగా సౌత్ ఫిలిం ఇండస్ట్రీ పై ఘాటైన వ్యాఖ్యలు చేసింది.
సౌత్ ఇండస్ట్రీలో రాణించాలంటే మార్కెట్లో ఎప్పుడు విజయాలు ఉండే విధంగా ఉంటేనే అక్కడ అవకాశాలు వస్తాయి అని కాంట్రవర్సి కామెంట్ చేసింది. ఏ మాత్రం ఫ్లాప్ కెరియర్ లో పడింది అంటే అక్కడ ఎవరూ పట్టించుకోరు అన్న విధంగా తనదైనశైలిలో ఇలియానా ఇటీవల ఓ ఇంటర్వ్యూలో పేర్కొన్నారు.