హైదరాబాద్ శివారులోని శంషాబాద్ లో నివాసం ఉంటున్న లావణ్య లహరి అనే ఒక సాఫ్ట్ వేర్ యువతి ఉరివేసుకొని ఆత్మహత్య చేసుకున్న తీరు ఇప్పుడు నగర వ్యాప్తంగా సంచలనం రేపుతోంది. భర్త వేధింపులు తట్టుకోలేక ఈమె బలవన్మరణానికి పాల్పడ్డాడు.
ఆమె చనిపోతూనే భర్త కు వ్యతిరేకంగా ఫేస్ బుక్ లో ఒక వీడియో ని పోస్ట్ చేసింది. తన భర్త మరొక అమ్మాయి తో వివాహేతర సంబంధం పెట్టుకున్నాడని…. ఈ నేపథ్యంలో తనను వేధింపులకు గురి చేస్తున్నాడని ఆమె చెప్పడం గమనార్హం.
చాలా కాలం నుండి ఆమె ఈ వేధింపులను భరిస్తున్నట్లు చెప్పుకొచ్చింది. అల్లుడి వేధింపుల వల్లే తమ కూతురు ప్రాణాలు తీసుకోవాల్సి వచ్చిందని లావణ్య తల్లిదండ్రులు వాపోయారు. తన భర్త తరచూ ఒక యువతిని హోటల్ కు తీసుకొని వెళ్తున్నాడు అని తెలిపిన ఆమె… చాలా కాలం పాటు ఈ టార్చర్ భరించానని…. ఇక తన వల్ల కాదని విగతజీవురాలిగా మారింది.
ఈ ఘటనపై సమాచారం అందుకున్న పోలీసులు ఘటనాస్థలికి చేరుకుని మృతదేహాన్ని స్వాధీనం చేసుకున్నారు. లావణ్య సోషల్ మీడియా పోస్టులు ఆధారంగా ఆమె భర్త వెంకటేశం ను అరెస్టు చేసి దర్యాప్తు చేస్తున్నారు. లావణ్య భర్త పైలట్గా పనిచేస్తున్నట్లు తెలిసింది. 2012 జులైలో వారు పెళ్లి చేసుకున్నారని బాధితురాలి తల్లిదండ్రులు తెలిపారు.