పాపం వెన్నాడింది!

(న్యూస్ ఆర్బిట్ డెస్క్)

రక్షకభటులయ్యుండీ ఆడది అనే కనికరం లేకుండా బెల్టుతో కొట్టిన పాపం వెంటాడింది. సంఘటన జరిగిన తర్వాత ఏడు నెలలకు కటకటాల వెనక్కు వెళ్లారు. హర్యానాలో జరిగిందీ సంఘటన. దీనికి సంబంధించి ఫరీదాబాద్ పోలీస్ స్టేషన్‌కు చెందిన ఇద్దరు హెడ్ కానిస్టేబుళ్లను సస్పెండ్ చేశారు. ముగ్గరు స్పెషల్ పోలీస్ ఆఫీసర్లను డిస్మిస్ చేశారు. వీరిలో ఇద్దరిని అరెస్టు కూడా చేశారు.

గత సంవత్సరం అక్టోబర్‌లో ఒక రోజు ఆదర్శ్ నగర్ పోలీస్ స్టేషన్ పరిధిలోని ఒక పార్క్‌లో ఒక పురుషుడు, ఒక మహిళ తప్పు చేస్తున్నారన్న సంగతి పోలీసులకు తెలిసింది. అప్పడు ఆ పోలీస్ స్టేషన్‌లో పని చేస్తున ఈ అయిదుగురు పోలీసులూ అక్కడికి వెళ్లారు. పోలీసులను చూడగానే పురుషుడు పారిపోయాడు. ఇక ఆ మహిళపై పోలీసులు ప్రతాపం చూపారు.

ఆమె ఫోన్ నంబర్ అడిగితే అందుకు ఆమె ఇచ్చిన నెంబర్ సరైనది కాదంటూ మఫ్టీలో ఉన్న ఒక పోలీసు  ఆమె చుట్టూ తిరుగుతూ ఆ మహిళను కొట్టిన వీడియో ఇప్పుడు బయటకు వచ్చింది. అది వైరల్ కావడంతో ఉన్నతాధికారుల దృష్టికి వెళ్లింది. వెంటనే వీడియోలో ఉన్న పోలీసులను గుర్తించి వారిపై చర్యలు మొదలుపెట్టారు. మహిళను గుర్తించి ఆమె ఎక్కడఉన్నదీ తెలుసుకునే ప్రయత్నం జరుగుతోందనీ, తర్వాత మిగిలిన వారిని కూడా అరెస్టు చేస్తామనీ పోలీస్ కమిషనర్ సంజయ్ కుమార్ తెలిపారు.

#BigNews : खट्टर राज में पुलिस थानों में भी सुरक्षित नहीं महिलाएं !

बल्लभगढ़ में पुलिस की शर्मनाक करतूत

पुलिस थाने में पुरुष पुलिस कर्मी ने महिला को बेल्ट से पीटा। pic.twitter.com/gBw8VIrOSn

— ONE HARYANA (@OneHaryanaOffcl) May 27, 2019