(న్యూస్ ఆర్బిట్ డెస్క్)
సోషల్ మీడియాలో వైరల్ అయిన ఈ వీడియోను లక్షలాది మంది వీక్షించారు.
బ్రెజిల్లో ఓ చర్చి ఫాదర్ పాడ్రె మార్సెలో రోస్సీ తన ఉపన్యాసంలో లావుగా ఉన్న మహిళలు స్వర్గానికి వెళ్లలేరని పేర్కొన్న సమయంలో ఒక లావుపాటి మహిళ వేగంగా వచ్చి వేదికపై నుండి ఫాదర్ను నెట్టివేసిందని పేర్కొంటూ ఒక యువతి ఈ వీడియోను సోషల్ మీడియాలో పోస్టు చేసింది.
అయితే ఈ వాదన కరెక్టు కాదని తెలిసింది.
ఫాక్ట్ చెకింగ్ వెబ్సైట్ స్నోప్స్ ప్రకారం.. 50వేల మంది పాల్గొన్న ఒక కార్యక్రమంలో చర్చి ఫాదర్ పాడ్రె మార్సెలో రోస్సీ ఉపన్యాసం చేస్తుండగా గుర్తు తెలియని మహిళ (32) అకస్మాత్తుగా వచ్చి ఫాదర్ను వేదిక నుండి తోసి వేసింది. ఈ ఘటనలో ఆయనకు స్పల్పగాయాలు అయ్యాయి. ఈ ఘటనకు కారకురాలైన మహిళలను పోలీసులు తీసుకువెళ్లారు. అయితే ఆమెకు మతిస్థిమితం లేదని సహచరులు పోలీసులకు తెలిపారు.
ఈ ఘటనపై ఫాదర్ ఆమెపై ఫిర్యాదు చేయకపోవడంతో పోలీసులు కొద్ది సేపటికే వదిలిపెట్టారు.
https://twitter.com/i/status/1151548569456914432