రాజకీయాలలో చాలా మంది సీనియర్ రాజకీయ నేతలు చంద్రబాబు వ్యవహార శైలి గురించి రకరకాలుగా వ్యాఖ్యానిస్తూ ఉంటారు. ఎక్కువగా ఆయన దగ్గర పని చేసి బయటకు వచ్చేసిన వాళ్ళు చెప్పిన మాట ఏమిటంటే ఆయనకు అవసరమైతే పక్కన పెట్టుకుంటాడు, లేకపోతే కూరలో కరివేపాకు లాగా పెద్దగా పట్టించుకోడు ఇది చంద్రబాబు వ్యవహార శైలి అంటారు. తనకి ఉపయోగపడితేనే దగ్గరికి చేర్చుకుంటారు…ఏ మాత్రం ఉపయోగం లేకపోతే బాబు గారు మొహం కూడా చూడరని టీడీపీ నేతలే అంటుంటారు. అటువంటిది చంద్రబాబు ఇటీవల పార్టీలో ఎటువంటి నాయకుడికైనా ఆఖరికి కింది స్థాయిలో ఉన్న కార్యకర్త కైనా ఏలాంటిది ఏదైనా జరిగితే వెంటనే ఫస్ట్ చంద్రబాబే స్పందిస్తున్నారట.
నేరుగా సదరు వ్యక్తికి ఫోన్ చేసి మరీ పరామర్శిస్తున్నరట. ఇదంతా జగన్ ఎఫెక్ట్ అని కొంతమంది అంటున్నారు. చాలా వరకు వైఎస్ జగన్ తన రాజకీయ ప్రస్తావనలో ఎక్కువగా ప్రజలని కార్యకర్తలను నమ్ముకుని ముందుకు వెళ్తానని చెబుతూనే అదే స్థాయిలో వారిని ఆదరిస్తూ ఉంటారు. ఇప్పుడు ఇదే ఫార్ములా చంద్రబాబు ఉపయోగిస్తున్నారని ఇలాగైనా టీడీపీ క్యాడర్ నీ కాపాడుకోవడానికి చంద్రబాబు వ్యవహరిస్తున్నారని ఏపీ రాజకీయాల్లో వార్తలు వస్తున్నాయి. అంతేకాకుండా ఎవరితో అయితే చంద్రబాబు మాట్లాడుతున్నారో వాటికి సంబంధించిన కాల్ రికార్డులు కూడా సోషల్ మీడియాలో టీడీపీ నేతలు పోస్ట్ చేసి చంద్రబాబుకి కార్యకర్తలపై ప్రేమ అన్నట్టు ఇటీవల ఆ రికార్డు లను వైరల్ చేస్తున్నారు. మొత్తంమీద చూస్తే జగన్ తనదైన శైలిలో రాజకీయాలు చేస్తూ చంద్రబాబు మైండ్ సెట్ ను మార్చేశాడని తాజా పరిణామాలపై కొంతమంది మేధావులు కామెంట్లు చేస్తున్నారు.