Children: విటమిన్ కె, మెగ్నీషియం, బి విటమిన్, కాల్షియం ఆకు కూరల్లో ఉన్నాయి. ఈ పోషకాలు మన శరీరం లో ఉండే ప్రతి కణ పనితీరుకు కీలకం.కాబట్టి ఇవీ వృద్ధాప్య లక్షణాలు అడ్డుకుని యవ్వనంగా ఉండడానికి ఉపయోగపడతాయి. .ఆకుకూరల్లో కొవ్వు తక్కువగా ఉండి ఫైబర్ ఎక్కువ మోతాదులో ఉంటుంది. పొటాషియం, ఫోలిక్ ఆమ్లం, మెగ్నీషియం, విటమిన్ సి మరియు ఫైటోకెమికల్స్ పుష్కలంగా ఉంటాయి.
ఆకు కూరలను తినడం వల్ల గుండె కు సంబంధిత వ్యాధుల ప్రమాదాన్ని 11% వరకు తగ్గిస్తుంది. అలాగే టైప్ 2 డయాబెటిస్ను నివారించడానికి, ఆకుకూరల్లో అధిక స్థాయిలో ఉండే మెగ్నీషియం మరియు తక్కువ గ్లైసెమిక్ సూచిక మేలు జరిగేలా చేస్తుంది . అందువల్ల డయాబెటిస్ ప్రమాదం తగ్గుతుంది అని పరిశోధనలు చెబుతున్నాయి.ఆకుకూరల్లో విటమిన్ కె, మెగ్నీషియం మరియు కాల్షియం అధికంగా ఉండటం వల్ల ఎముకలు నిర్మించే ఆస్టియోకాల్ సీన్ ఉత్పత్తి అవుతుంది. మధ్య వయసులో ఉన్న స్త్రీలు హిప్ ఫ్రాక్చర్ ప్రమాదాన్ని తప్పించుకోవాలంటే ప్రతి రోజు తప్పకుండా ఆకు కూరలు తినాలి.
ఆకు కూరల్లో ఉండే రిచ్ బీటా కెరోటిన్ మరియు విటమిన్ ఎ రోగనిరోధక శక్తిని పెంచుతాయి.పిల్లలకు విటమిన్ ఎ తగినంతగా ఇవ్వక పోతే అంధులు అయ్యే ప్రమాదం పొంచి ఉంటుంది. ఆకుకూరల్లో ఉండే కెరోటినాయిడ్స్ కంటిలోని రెటీనా యొక్క మాక్యులర్ ప్రాంతంలో మరియు కంటి కటకము లో కేంద్రీకృతమై ఉంటాయి. ఆకుకూరలలో ప్రబలంగా ఉన్న పోషకాలు పిల్లల్లో కంటి అద్దాలు అవసరం నుంచి పెద్దవారిలో కంటి అద్దాలు మరియు కంటిశుక్లం నుండి కళ్ళను కాపాడుతుంది.ఆకుకూరల్లో ఉండే కెరోటినాయిడ్స్, యాంటీఆక్సిడెంట్లు, ఫ్లేవనాయిడ్లు చాలా రకాల క్యాన్సర్ ల నుండి రక్షిస్తాయి. అందువల్ల రోజువారీ ఆహారంలో ఆకుకూరలు తీసుకుంటే మంచిది.