Neha sharma: టాలీవుడ్‌లో స్టార్ డైరెక్టర్‌గా క్రేజ్ ఉన్న దర్శకుడు పూరి జగన్నాధ్. ఆయన సినిమాలలో హీరోయిన్స్ ఎంతగా హైలెట్ అవుతారో అందరికీ తెలిసిందే. పర్ఫార్మెన్స్ పరంగా, గ్లామర్ పరంగా అటు ప్రేక్షకులలో ఇటు ఇండస్ట్రీ వర్గాలలో భారీ స్థాయిలో పాపులారిటీ వచ్చేస్తుంది. కేవలం పూరి పరిచయం చేసిన హీరోయిన్‌కి గ్లామర్ హీరోయిన్‌గా మాత్రమే కాదు ఫ్యామిలీ హీరోయిన్ అనే పేరు కూడా బాగా వస్తుంది. అందుకు ఉదాహరణ అమ్మా నాన్న ఓ తమిళ అమ్మాయి సినిమాతో టాలీవుడ్‌కు పరిచయమయిన ఆసిన్.
ఈమె తెలుగులో అమ్మా నాన్న ఒక తమిళ అమ్మాయి తర్వాత శివమణి, లక్ష్మీ నరసింహా, ఘర్షణ లాంటి బ్లాక్ బస్టర్ సినిమాలలో నటించి క్రేజీ హీరోయిన్‌గా మారింది. ఇక టాలీవుడ్‌ను ఏలిన అనుష్క షెట్టి కూడా పూరి జగన్నాధ్ పరిచయం చేసిన హీరోయిన్ అని తెలిసిందే. ఆమె హీరోయిన్‌గా ఏ రేంజ్ స్టార్ డం సంపాదించుకున్నారో ప్రత్యేకంగా చెప్పాల్సిన పనిలేదు. అలాగే రవితేజ హీరోగా వచ్చిన ఇడియట్ సినిమాతో టాలీవుడ్‌కు పరిచయం అయిన రక్షిత, ఆ తర్వాత పూరి డైరెక్షన్‌లోనే శివమణి, ఆంధ్రావాలా, పెళ్ళాం ఊరెళితే, అందరివాడు లాంటి సినిమాలతో ఆకట్టుకుంది.
Neha sharma: ఆమెకు తెలుగులో అదే ఫస్ట్ అండ్ లాస్ట్ సినిమా.
బాలీవుడ్‌లో వెలుగుతున్న దిశా పఠాని లాంటి వారు మాత్రం తెలుగులో సక్సెస్ కాలేకపోయారు. పూరి పరిచయం చేయకపోయినా ఆయన డైరెక్షన్‌లో వచ్చిన సూపర్ హిట్ సినిమాలలో నటించి సౌత్‌లో మంచి స్టార్ డం తెచ్చుకున్న ఇలియానా, తమన్నా లాంటి వారున్నారు. అయితే పూరి ఇండస్ట్రీకి పరిచయం చేసిన వారిలో అడ్రస్ లేకుండా పోయినవారూ ఉన్నారు. అమీషా పటేల్ బద్రి సినిమాతో టాలీవుడ్‌కు పరిచయం అయింది. ఈ సినిమా బ్లాక్ బస్టర్ అయినా ఆ తర్వాత అమీషా నటించిన నరసింహుడు, నానీ సినిమాలు మెప్పించలేకపోయాయి.
తనూరాయ్, బాచి సినిమాతో పరిచయమయిన నీలాంబరి, నేహ శర్మ, నేనింతే సినిమాతో పరిచయమైన శియా గౌతం లాంటి వారు అసలు అడ్రస్ లేకుండా పోయారు. శియా నేనింతే తర్వాత వేదం సినిమాలో కనిపించింది. ఆ తర్వాత మళ్ళీ తెలుగులో సినిమా చేయలేదు. బాచి సినిమాలో జగపతి బాబు సరసన నటించిన నీలాంబరి పరిస్థితి అంతే. ఆమెకు తెలుగులో అదే ఫస్ట్ అండ్ లాస్ట్ సినిమా. తనూరాయ్ అలాగే ఇట్లు శ్రావణి సుబ్రమణ్యం సినిమాలో నటించిన మరో హీరోయిన్ కూడా మళ్ళీ కనిపించలేదు.
Neha sharma: నేహ శర్మకు మంచి ఫ్యాన్ ఫాలోయింగ్ కూడా ఉంది.
వీరందరికంటే నేహ శర్మ మీద అందరూ మంచి అంచనాలు పెట్టుకున్నారు. మెగా హీరో రాం చరణ్ డెబ్యూ సినిమా హీరోయిన్ కాబట్టి యంగ్ హీరోల సరసన నటించే అవకాశాలు అందుకుంటుందని అందరూ భావించారు. కానీ ఆ తర్వాత అమ్మడు తెలుగులో చేసింది వరుణ్ సందేశ్ సరసన కుర్రాడు అనే ఒకే ఒక్క సినిమా. ఆ తర్వాత నేహ మళ్ళీ అడ్రస్ లేదు. చెప్పాలంటే ఈ బ్యూటీ ప్రేక్షకులను బాగానే ఆకట్టుకుంది. సోషల్ మీడియాలో ఆమెకు మంచి ఫ్యాన్ ఫాలోయింగ్ కూడా ఉంది. ఎప్పటికప్పుడు గ్లామర్ ఫొటోలతో ఆకట్టుకుంటోంది. కానీ మేకర్సే ఆమెను పట్టించుకోవడం లేదు.
