Blood Pressure: రక్త పోటు ఒకసారి వచ్చిందంటే తగ్గదు.. అయితే మన జీవిత విధానంలో మార్పులు తో కంట్రోల్ చేయవచ్చంటున్నారు.. వాటితో పాటు ఆరోగ్య నిపుణులు రక్తపోటును నియంత్రణలో ఉంచడానికి ఈ జాగ్రత్తలు పాటించాలంటున్నారు..!!
రక్తపోటును తగ్గించాలంటే మన ఆహారంలో చిన్న చిన్న మార్పులు చేస్తే సరి.. వాటిలో ముఖ్యంగా ఉప్పు ను తీసుకోవడం తగ్గించాలి . రోజుకి 5 గ్రాములకు మించి ఎక్కువ తీసుకోకూడదు. ఫాస్ట్ ఫుడ్, ప్రాసెస్డ్ ఫుడ్, ప్యాకింగ్ చేసిన ఆహార పదార్థాలు, బయట దొరికే చిరుతిళ్లు, తినుబండారాలు సాధ్యమైనంత తక్కువగా తీసుకోవాలి. ఎందుకంటే వీటిలో అధికంగా ఉప్పు ను వినియోగిస్తారు. నూనె ను మితంగా వంటలు ఉపయోగించాలి ఇందులో కొలెస్ట్రాల్ ఎక్కువగా ఉంటుంది. నూనెలో వేయించిన ఆహార పదార్థాలు, పచ్చళ్ళు తినకూడదు. అలాగే మాంసాహారాన్ని కూడా మితంగా తీసుకోవాలి. మద్యపానం ధూమపానం వంటి అలవాట్లు ఉంటే ముందుగానే జాగ్రత్తలు తీసుకోవాలి.
బీపీ ఉన్నవారు పీచు పదార్ధాలు, పండ్లు, ఆకుకూరలు, కూరగాయలు తీసుకోవాలి. రోజుకు కనీసం ఐదు రకాల పండ్లు, కూరగాయలు తీసుకోవాలి. పొటాషియం ఎక్కువగా ఉండే ఆహారం తీసుకుంటే బీపీ తగ్గుతుంది. బీన్స్, క్యాబేజీ, కొత్తిమీర, అరటి, నట్స్, పాలకూర , మొలకెత్తిన విత్తనాలు, డ్రైఫ్రూట్స్, గింజలు వీరి డైట్ లో భాగంగా చేసుకోవాలి. రక్తపోటు ఉన్నవారు పైన చెప్పుకున్న జాగ్రత్తలు పాటించాలి. లేకపోతే గుండె సంబంధిత సమస్యలు తలెత్తుతాయి అశ్రద్ధ వహిస్తే గుండెపోటు వచ్చి ప్రాణానికే ప్రమాదం కావచ్చు అందువలన ముందుగానే మనం తీసుకునే ఆహారంలో ఈ చిన్న చిన్న మార్పులు చేసుకోవడం అవసరం. వీటిని పాటిస్తే సాధారణ , అధిక రక్తపోటు కచ్చితంగా కంట్రోల్లో ఉంటుందని చెబుతున్నారు ఆరోగ్య నిపుణులు.