Cold Cough: అసలే చలికాలం.. వాతావరణంలో మార్పులు రావడం తో జలుబు, దగ్గు, ఫ్లూ వంటి సీజనల్ వ్యాధులు వస్తాయి.. వీటితో పాటు చర్మ సమస్యలు కూడా భావిస్తాయి.. శీతాకాలంలో వచ్చే అనేక ఆరోగ్య చర్మ సమస్యలను తగ్గించుకోవాలంటే ఈ ఆహారాల్న్ని తినాలి అంటున్నారు ఆరోగ్య నిపుణులు..!! అవేంటంటే..!?
సకాలంలో వచ్చే సాధారణ వ్యాధుల ను నివారించడంలో చేపలు, వాటిలో లభించే పోషకాలు కీలక పాత్ర పోషిస్తాయని ఆరోగ్యనిపుణులు చెబుతున్నారు. చేపలలో లభించే ఒమేగా 3 ఫ్యాటీ యాసిడ్స్ పోషకాహారానికి మంచి మూలం. అవి రక్త ప్రసరణ, జ్ఞాన శక్తి వంటి జీవ సంబంధమైన విధులను మెరుగుపరచడంలో కూడా సహాయపడతాయని వారు చెబుతున్నారు. సాల్మన్ ఫిష్, మోర్రింగ్, టునా చేపలలో ఒమేగా -3 ఫ్యాటీ యాసిడ్స్ ఎక్కువగా లభిస్తాయి. వారంలో ఒకసారైనా చేపలను మీ డైట్ లో భాగం చేసుకోండి. చేప నూనె లో కాలుష్య కారకాలు ఉండవు. చేప నూనె ఆరోగ్యకరమైన మంచి కొలెస్ట్రాల్ ను అందిస్తుంది. చెడు కొలెస్ట్రాల్ ను తొలగిస్తుంది.
అదే నాన్ వెజ్ తినని వారైతే గుమ్మడి గింజలు, బాదం పప్పు, పిస్తా, వాల్ నట్స్, చియా గింజలు, అవిస గింజలు తినాలి. కొత్తిమీర, అవకాడో, బ్రకోలి, ఆకుపచ్చని కూరగాయలు తీసుకోవాలి. ఆలివ్ ఆయిల్ , ఫిష్ ఆయిల్ ను ఉపయోగించాలి. వీటన్నింటినీ మీరు రెగ్యులర్ గా తీసుకొంటూ ఉంటే వీటిలో ఉండే ఒమేగా 3 ఫ్యాటీ యాసిడ్స్ ఈ సీజన్లో వచ్చే అనేక ఆరోగ్య సమస్యల నుంచి బయటపడేస్తుంది.