Bigg Boss 6 Telugu: తెలుగు బిగ్ బాస్ షోకి సంబంధించి హోస్ట్ విషయంలో ఎక్కువగా నాగార్జున హోస్టింగ్ చేయటం తెలిసిందే. సీజన్ ఓన్ కి ఎన్టీఆర్, ఆ తర్వాత సీజన్ నాని… ఆ తర్వాత నుండి మూడో సీజన్ నుండి.. నాగార్జున హోస్ట్ గా రాణిస్తున్నారు. ప్రజెంట్ డిస్నీ హాట్ స్టార్ ఓటిటి బిగ్ బాస్ కి కూడా నాగార్జున యే హోస్ట్. తాజాగా ప్రోమో కూడా రిలీజ్ అయింది. ఫిబ్రవరి 26 వ తారీఖు నుండి ఓటీటీ బిగ్ బాస్ ప్రారంభించనున్నట్లు ప్రోమోలో క్లారిటీ ఇచ్చారు.
ఇదిలా ఉంటే సీజన్ ఫైవ్ బిగ్ బాస్ హౌస్ లో గ్రీన్ ఇండియా ఛాలెంజ్ కి సంబంధించిన సంతోష్ ఒకసారి అతిథిగా వచ్చిన సమయంలో తాను కూడా.. గ్రీన్ ఇండియా ఛాలెంజ్ లో భాగం కావాలని అనుకుంటున్నట్లు ఇంట్రెస్ట్ చూపిస్తున్నట్లు నాగార్జున తెలియజేశారు. అయితే ఇప్పుడు తాజాగా అక్కినేని ఫ్యామిలీ ఈ గ్రీన్ ఇండియా ఛాలెంజ్ లో భాగంగా కొన్ని ఎకరాల భూమి దత్తత తీసుకున్నట్లు.. భారీ ఎత్తున మొక్కలు చెట్లు పెంచడానికి అక్కినేని ఫ్యామిలీ ఇంట్రెస్ట్ చూపిస్తున్నారట.
దాదాపు అక్కినేని కుటుంబ సభ్యులు మొత్తం ఈ “గ్రీన్ ఇండియా ఛాలెంజ్” లో భాగంగా తీసుకోబోతున్న ఆ యొక్క స్థలం దగ్గరికి వచ్చి.. కార్యక్రమంలో ఉత్సాహంగా పాల్గొన్నారు. మొత్తంమీద సీజన్ ఫైవ్ లో బిగ్ బాస్ హౌస్ లో.. గ్రీన్ ఇండియా ఛాలెంజ్ కి సంబంధించి ఇచ్చిన మాటని నాగార్జున నెరవేరుస్తూ కుటుంబ సభ్యులను కూడా భాగస్వామి చేయటం సంచలనంగా మారింది. ఈ కార్యక్రమంలో అక్కినేని నాగార్జున, సుమంత్, అఖిల్, మరికొంత మంది కుటుంబ సభ్యులు.. పాల్గొనడం జరిగింది. ఇదే సమయంలో గ్రీన్ ఇండియా ఛాలెంజ్ కి సంబంధించి ప్రముఖులు కూడా హాజరయ్యారు.