Naga Chaitanya: అక్కినేని ఫ్యామిలీ నుంచి మూడో త‌రంగా ఇండ‌స్ట్రీలోకి అడుగు పెట్టిన నాగ చైతన్య గురించి ప్ర‌త్యేకంగా చెప్ప‌క్క‌ర్లేదు. `జోష్` మూవీతో హీరోగా కెరీర్ స్టార్ట్ చేసిన ఈయ‌న.. త‌న‌దైన టాలెంట్‌తో అంచ‌లంచ‌లుగా ఎద‌గుతూ స్టార్ ఇమేజ్‌ను సొంతం చేసుకున్నాడు. ప్ర‌స్తుతం కెరీర్ ప‌రంగా ఫుల్ స్వింగ్‌లో దూసుకుపోతున్న నాగ చైతన్య.. ఇటీవ‌ల లవ్ స్టోరీ, బంగార్రాజు చిత్రాల‌తో ప్రేక్ష‌కుల‌ను ప‌ల‌క‌రించాడు.
ఈ రెండు చిత్రాలు మంచి విజయం సాధించాయి. ఇక ఇప్పుడీయ‌న విక్రమ్ కె కుమార్ దర్శకత్వంలో `థాంక్యూ` అనే చిత్రం చేస్తున్నాడు. రాశి ఖన్నా, అవికా గోర్ హీరోయిన్స్ చేస్తున్న ఈ చిత్రం ఇప్ప‌టికే షూటింగ్ కంప్లీట్ చేసుకుని విడుద‌ల‌కు సిద్ధంగా ఉంది. అలాగే మ‌రోవైపు చైతు ఒక హార్రర్ వెబ్ సిరీస్ చేస్తున్నాడు.
అమెజాన్ ప్రైమ్ రూపొందిస్తున్న ఈ సిరీస్‌కు సైతం విక్రమ్ కె. కుమారే డైరెక్ట‌ర్‌గా వ్య‌వ‌హ‌రిస్తున్నాడు. `దూత` టైటిల్‌తో ఇటీవ‌లె ఈ ప్రాజెక్ట్ సెట్స్ మీద‌కు వెళ్లింది. ఇదిలా ఉంటే.. సోషల్ మీడియాలో చైతు అంత యాక్టివ్‌గా ఉండ‌డ‌న్న సంగ‌తి తెలిసిందే. అయిన‌ప్ప‌టికీ ఇన్‌స్టాగ్రామ్‌లో ఈయ‌న భారీ ఫ్యాన్ ఫాలోయింగ్‌ను పెంచుకుంటూ అద‌ర‌గొట్టేస్తున్నాడు.
తాజాగా ఇన్‌స్టాలో ఈయ‌న్ను ఫాలో అయ్యే వారి సంఖ్య 7 మిలియన్ల కి చేరింది. 2018 లో నాగ చైతన్య ఇంస్టాగ్రామ్ అకౌంట్ ఓపెన్ చేయగా.. ఈ నాలుగేళ్లలో కనీసం వంద పోస్ట్స్ కూడా చేయలేదు. అయినా సరే భారీ మొత్తంలో ఫాలోవ‌ర్స్‌ను సంపాదించుకోవ‌డంతో.. చైతు మామూలోడు కాద‌ని నెటిజ‌న్లు కామెంట్స్ చేస్తున్నారు.
Getup Srinu: పవన్ కి సపోర్ట్ చేస్తున్నారు.. మీకు ఇబ్బంది ఉండదా?.. యాంకర్ ప్రశ్నకి గెటప్ శ్రీను దిమ్మ తిరిగే సమాధానం ..!