RRR: “ఆర్ఆర్ఆర్” మార్చి 25 రిలీజ్ అవుతున్న తరుణంలో ప్రమోషన్ కార్యక్రమాలు భారీ ఎత్తున జరుగుతున్నాయి. డైరెక్టర్ రాజమౌళి.. ఇద్దరు హీరోలు చరణ్, తారక్ వరుసపెట్టి ఇంటర్వ్యూలు ఇస్తున్నారు. మ్యూజిక్ డైరెక్టర్ కీరవాణి అదేవిధంగా యాంకర్ సుమ, డైరెక్టర్ అనిల్ రావిపూడికి ఇటీవల ఈ ముగ్గురు ఇచ్చిన ఇంటర్వ్యూ సోషల్ మీడియాలో వైరల్ అవుతున్నయి. దాదాపు కొన్ని వాయిదాలు తర్వాత సినిమా విడుదల అవుతున్న నేపథ్యంలో… నందమూరి మెగా అభిమానులు భారీ ఏర్పాట్లు చేస్తున్నారు. వాస్తవానికి ఈ సినిమా ప్రారంభించిన రోజున .. మీడియా సమావేశం నిర్వహించి 2020 జూన్ నెలలో రిలీజ్ చేస్తున్నట్టు రాజమౌళి ప్రకటించారు.
కానీ మహమ్మారి కరోనా రాకతో లెక్కల మొత్తం తారుమారయ్యాయి. ఈ నేపథ్యంలో జనవరి 7వ తారీకు ఈ ఏడాది విడుదల చేయాలని అన్ని ఏర్పాట్లు చేసి ప్రీ రిలీజ్ వేడుకలు కూడా భారీ ఎత్తున ప్రమోషన్ కార్యక్రమాలు చేపట్టగా ఒమిక్రన్ కేసులు ఒక్కసారిగా పెరిగిపోవడంతో మళ్లీ వాయిదా పడి ఇప్పుడు మార్చ్ 25 వ తారీకు సినిమా విడుదలకు సిద్ధంగా ఉంది. బాహుబలి తర్వాత రాజమౌళి దర్శకత్వంలో వస్తున్న “ఆర్ఆర్ఆర్” పై దేశవిదేశాలలో భారీ అంచనాలు నెలకొన్నాయి.
ముఖ్యంగా బాలీవుడ్ ఇండస్ట్రీ జక్కన్న “ఆర్ఆర్ఆర్” తో ఏ రేంజ్ లో విజయం సాధిస్తాడు అనేది ఆసక్తిగా గమనిస్తోంది. ఇటువంటి తరుణంలో హిందీ లో భారీ ఎత్తున థియేటర్స్ లో రిలీజ్ చేయడానికి సినిమా యూనిట్ రెడీ అయింది. దాదాపు మూడు వేల నాలుగు వందల థియేటర్లలో “RRR” రిలీజ్ చేస్తున్నట్లు సమాచారం. హిందీలో కూడా ఇప్పటి వరకు ఏ సినిమా రిలీజ్ అవ్వని రీతిలో “ఆర్ఆర్ఆర్”… రిలీజ్ చేస్తున్నారట. మరి మార్చి 25 వ తారీకు సినిమా రిజల్ట్ ఎలా ఉంటుందో చూడాలి.