NTR 30: `ఆర్ఆర్ఆర్‌`తో భారీ హిట్‌ను ఖాతాలో వేసుకుని పాన్ ఇండియా స్టార్‌గా గుర్తింపు పొందిన టాలీవుడ్ యంగ్ టైగ‌ర్ ఎన్టీఆర్.. త‌న నెక్స్ట్ ప్రాజెక్ట్‌ను కొర‌టాల శివ‌తో చేయ‌బోతున్న సంగ‌తి తెలిసిందే. తార‌క్‌కు ఇది 30వ ప్రాజెక్ట్ కావ‌డంతో.. `ఎన్టీఆర్ 30` వ‌ర్కింగ్ టైటిల్‌తో గ‌త ఏడాదే ఈ మూవీని అధికారికంగా అనౌన్స్ చేశాడు.
నందమూరి కళ్యాణ్ రామ్ స‌మ‌ర్ప‌ణ‌లో యువ సుధ ఆర్ట్స్, నందమూరి తారక రామారావు ఆర్ట్స్ బ్యాన‌ర్స్‌పై మిక్కిలినేని సుధాక‌ర్, హ‌రికృష్ణలు క‌లిసి ఈ సినిమాను నిర్మించ‌బోతున్నాడు. ఇదీ పాన్ ఇండియా చిత్ర‌మే కాగా.. అనిరుధ్ రవిచందర్ సంగీతం అందిస్తున్నారు. అయితే తాజాగా ఈ మూవీకి సంబంధించి ఓ క్రేజీ టాక్ బ‌య‌ట‌కు వ‌చ్చింది.
- Read the latest news from NEWSORBIT
- Follow us on facebook , Twitter , instagram and Googlenews
అదేంటంటే.. ఈ సినిమా విడుద‌ల‌కు మేకర్స్ డేట్ లాక్ చేశార‌ట. వచ్చే ఏడాది మేలో ఈ మూవీని అట్ట‌హాసంగా రిలీజ్ చేయబోతున్నారట. మే 20న ఎన్టీఆర్ బ‌ర్త్‌డే. అయితే ఆయ‌న బ‌ర్త్‌డేకి ఒక్క రోజు ముందు అంటే మే 19, 2023న ఈ మూవీని విడుద‌ల చేయాలని భావిస్తున్నార‌ని ప్ర‌స్తుతం నెట్టింట జోరుగా ప్ర‌చారం జ‌రుగుతోంది.
అయితే ఈ విష‌యంపై కొంద‌రు నెటిజ‌న్లు సెటైర్లు పేలుస్తున్నారు. ఏడాది క్రితం ఈ మూవీని ప్ర‌క‌టించిన మేకర్స్.. ఇప్ప‌టి వ‌ర‌కు షూటింగ్‌ను స్టార్ట్ చేయ‌లేదు కానీ, రిలీజ్ డేట్ లాక్ చేసేశారా అంటూ చుర‌క‌లు వేస్తున్నారు. మరి ఇప్ప‌టికైనా చిత్ర టీమ్ షూటింగ్‌ను ప్రారంభించి.. బ్యాక్ టు బ్యాక్ అప్‌డేట్స్ ఇస్తారో లేదో చూడాలి.
Mogali Rekulu: మెగా ఫ్యామిలీతో సందడి చేసిన మొగలిరేకులు ఆర్కే నాయుడు.. వైరల్ అవుతున్న ఫొటోస్..!