నంద‌మూరి క‌ళ్యాణ్ రామ్ ప్ర‌ధాన పాత్ర‌లో రూపుదిద్దుకున్న తాజా చిత్రం `బింబిసార`. `ఏ టైమ్ ట్రావెల్ ఫ్రమ్ ఈవిల్ టు గుడ్’ అనేది ట్యాగ్ లైన్. కొత్త ద‌ర్శ‌కుడు శ్రీ వశిష్ఠ్ తెర‌కెక్కించిన ఈ చిత్రంలో కేథ‌రిన్ థ్రెసా, సంయుక్త మీనన్ హీరోయిన్లుగా న‌టించారు. ఎన్టీఆర్ ఆర్ట్స్ బ్యానర్‌పై కె. హరికృష్ణ నిర్మించారు.
మగధ రాజ్యాధిపతి అయిన బింబిసారుడు జీవితం ఆధారంగా ఈ సినిమాను రూపొందించారు. ఇదో టైమ్ ట్రావెల్ మూవీ కాగా.. ఇందులో క‌ళ్యాణ్ రామ్ బింబిసారుడు అనే రాజు గెటప్ లోనూ.. సాధారణ యువకుడి లుక్ లోనూ అల‌రించ‌బోతున్నాడు. బ్యాక్‌గ్రౌండ్‌ మ్యూజిక్‌ కీరవాణి అందించగా.. చిరంతన్‌ భట్ మ్యూజిక్‌ కంపోజ్‌ చేశాడు.
ఈ మూవీ ఆగస్ట్‌ 5న ప్రేక్షకుల ముందుకు రానుంది. ఈ నేప‌థ్యంలోనే మేక‌ర్స్ విసృతంగా ప్ర‌చార కార్య‌క్ర‌మాల‌ను నిర్వ‌హిస్తూ సినిమాపై భారీ అంచ‌నాల‌ను క్రియేట్ చేస్తున్నారు. ఇందులో భాగంగానే `బింబిసార`పై క‌ళ్యాణ్ రామ్ న‌యా అప్డేట్ ఇచ్చారు. రీసెంట్‌గా ఓ ఇంట‌ర్వ్యూలో పాల్గొన్న ఆయ‌న.. `ప్రస్తుతానికి మేము ఈ సినిమాను పాన్ తెలుగు సినిమాగానే భావిస్తున్నాము.
తెలుగులో ఈ సినిమా హిట్టైతే అప్పుడు మిగతా భాషల్లో విడుదల చేయాలనే ఆలోచనలో ఉన్నాము. హిట్ టాక్ వస్తే ఈ నెల 18న ఈ సినిమాను పాన్ ఇండియా స్థాయిలో రిలీజ్ చేస్తాము` అంటూ వెల్ల‌డించారు. మొత్తానికి `బిండిసార` ఇక్క‌డ హిట్టేతే.. పాన్ ఇండియా లెవ‌ల్‌లో విడుదల కావ‌డాన్ని ఇక ఆప‌లేం అని క‌ళ్యాణ్ రామ్ స్ప‌ష్టం చేసేశారు.