Nara Lokesh Vs RK Roja: సీఎం వైఎస్ జగన్మోహనరెడ్డిని విమర్శిస్తూ టీడీపీ జాతీయ ప్రధాన కార్యదర్శి నారా లోకేష్ చేసిన ట్వీట్ కు మంత్రి ఆర్కే రోజా కౌంటర్ కామెంట్స్ తో ట్వీట్ చేశారు. స్కిల్ స్కామ్ కేసులో టీడీపీ అధినేత చంద్రబాబు ను ఏపీ సీఐడీ అరెస్టు చేసి జైల్ కు పంపిన సంగతి తెలిసిందే. ప్రస్తుతం లోకేష్ ఢిల్లీ పర్యటనలో ఉన్నారు. ఈ నేపథ్యంలో సీఎం జగన్మోహనరెడ్డిని ఉద్దేశించి బెయిల్ డే పదో వార్షికోత్సవ శుభాకాంక్షలు జైలు మోహన్ అంటూ లోకేష్ ట్వీట్ చేశారు. రూ.42వేల కోట్ల ప్రజాధనం దోచేసి, సీబీఐ, ఈడీ పెట్టిన 38 కేసుల్లో ఏ 1 అయినా పదేళ్లుగా బెయిల్ పై ఉన్న ఆర్దిక ఉగ్రవాది జైలు మోహన్ ప్రజాస్వామ్య వ్యవస్థల్ని ధ్వంసం చేస్తూ, రాజ్యాంగాన్ని కాలరాస్తూ, నీతిమంతులన్ని జైలు పంపుతున్నాడని విమర్శించారు. జైలులో ఉండాల్సిన జగన్ పదేళ్లుగా బెయిల్ పై ఉంటే, జనంలో ఉండాల్సిన నిజాయితీపరుడు సీబీఎన్ జైలులో ఉన్నారని లోకేష్ పేర్కొన్నారు.
లోకేష్ చేసిన ఈ ట్వీట్ కు మంత్రి ఆర్కే రోజా కౌంటర్ ట్వీట్ చేశారు. దేశంలోనే అవినీతి అనకొండ అయిన చంద్రబాబుకు తొలి కస్టడీడే శుభాకాంక్షలు అని వ్యంగ్యం ప్రదర్శించారు రోజా. పచ్చ మీడియా ను అడ్డం పెట్టుకుని మీరెన్ని తప్పులు చేసినా ప్రజలకు కనబడవు అనే రోజులు పోయాయి లోకేష్ .. మీ నాన్న చేసిన ప్రతి స్కాం ను కూడా ఆధారాలతో సహా ప్రజల ముందు, న్యాయస్థానం ముందు ఉంచాం. చట్ట ప్రకారం చంద్రబాబు నాయుడు వాటిని ఎదుర్కొంటున్నాడు. కుంభకోణాల్లో భాగస్వామ్యం వున్న ప్రతి ఒక్కరూ చట్టానికి తలవంచాల్సిందే.. జైలుకు వెళ్లాల్సిందే.
“ఖైదీ నెంబర్ 7691 కడుపున పుట్టిన నారా లోకేష్ నీ లొకేషన్ ఎక్కడ..? తండ్రి అడ్డంగా తినేసి జైలుకు వెళితే, మా నాన్న ఎలా పోయినా ఫర్లేదు నేను మాత్రం అరెస్టు కాకూడదని పారిపోయిన లోకేశ్ ఆంధ్రకు ఎప్పుడొస్తావ్..? అని మంత్రి రోజా ప్రశ్నించారు. తల్లి, భార్య మీద మీ భారం వదిలేసి పలాయనం చిత్తగించిన పులకేశ్ మీ జాడ ఎక్కడ.? మీ నాన్న అవినీతిపై బహిరంగ చర్చకు రమ్మన్నావ్.. నువ్వేమో రాష్ట్రం వదిలి పారిపోయావ్, మీ మామ బాలయ్య అసెంబ్లీ వదిలి పారిపోయాడు. చంద్రబాబు గజదొంగ అని అసెంబ్లీ సాక్షిగా నిరూపించడానికి మేం సిద్దం.. కాదని నిరూపించే ధైర్యం ఉందా.? ధైర్యం ఉంటే అసెంబ్లీకి మీలో ఎవరు వస్తారో రండి.. ఇది మా వైసీపీ సవాల్” అంటూ రోజా ట్వీట్ చేశారు.
Chandrababu Arrest: ముగిసిన చంద్రబాబు తొలి రోజు సీఐడీ విచారణ .. ఎన్ని గంటలు సాగిందంటే..?
Anchor Shyamala: యాంకర్ శ్యామలని చెప్పుతో కొట్టాలి.. శ్యామల పై నటుడు ఫైర్..!