Prabhas – Amir khan: ఆమిర్ ఖాన్ సినిమా డేట్ మారింది..ప్రభాస్‌కు పెట్టేందుకే ఈ డేట్ ఫిక్స్ చేశారని అభిమానులు కామెంట్స్ చేస్తున్నారు. అసలు విషయం ఏమిటంటే ప్రభాస్ బాలీవుడ్ స్టైట్ సినిమా ఆదిపురుష్ రిలీజ్ రోజే ఇప్పుడు ఆమిర్ ఖాన్ సినిమాను రిలీజ్ చేస్తున్నట్టు ప్రకటించారు. వరుసగా సినిమాలు చేస్తున్న పాన్ ఇండియన్ స్టార్ ప్రభాస్ మార్చి 11వ తేదీన పీరియాడికల్ రొమాంటిక్ మూవీ రాధే శ్యామ్ సినిమాతో రాబోతున్నారు. పూజా హెగ్డే హీరోయిన్‌గా నటించిన ఈ సినిమాలో బాలీవుడ్ సీనియర్ నటి భాగ్యశ్రీ, రెబల్ స్టార్ కృష్ణం రాజు కీలక పాత్రల్లో కనిపించబోతున్నారు. ఈ రొమాంటిక్ మూవీ మీద భారీ అంచనాలున్నాయి.
ఇదే క్రమంలో ప్రభాస్ బాలీవుడ్ దర్శక దిగ్గజం ఓం రౌత్ దర్శకత్వంలో మొదటిసారి స్ట్రైట్ సినిమా ఆదిపురుష్ చేస్తున్నారు. ఈ సినిమా షూటింగ్ ఇప్పటికే పూర్తై శరవేగంగా పోస్ట్ ప్రొడక్షన్స్ వర్క్‌ను జరుపుకుంటోంది. దీనిలో ప్రభాస్ రాముడిగా కనిపించబోతున్నారు. ఆయన సరసన బాలీవుడ్ హీరోయిన్ కృతీ సనన్ సీత పాత్రలో కనిపింనుండగా, సైఫ్ అలీ ఖాన్ రావన్ పాత్రలో, సన్నీ సింగ్ లక్ష్మణ పాత్రలో నటించారు. ఈ సినిమాను ఆగస్టు 11వ తేదీన 2022లో రిలీజ్ చేస్తామని చిత్ర నిర్మాతలు గత ఏడాదే రిలీజ్ డేట్‌ను లాక్ చేసుకున్నారు. కానీ, ఇప్పుడు ఈ సినిమాకు బాలీవుడ్ మూవీ పోటీకి వస్తోంది.
Prabhas – Amir khan: ఒకరకంగా ప్రభాస్‌కు షాకే అంటున్నారు.
బాలీవుడ్ స్టార్ ఆమిర్ ఖాన్ టాలీవుడ్ యంగ్ హీరో అక్కినేని నాగ చైతన్య కలిసి నటించిన లాల్ సింగ్ చద్దా వాస్తవంగా ఏప్రిల్ 14వ తేదీన రిలీజ్ కావాల్సి ఉంది. కరీనా కపూర్ ఈ సినిమాలో ఆమిర్ సరసన నటించారు. అయితే, ఏప్రిల్ 14న లాల్ సింగ్ చద్దా రావాల్సి ఉండగా..అదే రోజు ప్రశాంత్ నీల్, యష్ కాంబినేషన్‌లో రూపొందిన కేజీఎఫ్ ఛాప్టర్ 2 రిలీజ్ కాబోతుంది. ఆ సినిమాను పాన్ ఇండియన్ రేంజ్‌లో రిలీజ్ చేస్తున్న కారణంగా క్లాష్ అవుతుందని భావించిన ఆమిర్ ఖాన్ తన లాల్ సింగ్ చద్దా సినిమాను వాయిదా వేస్తూ ఆగస్టు 11న వస్తున్నట్టు ప్రకటించారు. ఇదే సందర్భంగా ప్రభాస్ బృందానికి థాంక్స్ చెప్పారు. ఇది ఒకరకంగా ప్రభాస్‌కు షాకే అంటున్నారు.
