NTR – RRR: తెలుగు ఇండస్ట్రీలోకి బాలనటుడిగా అడుగుపెట్టిన ఎన్టీఆర్ తరువాత 2001 సంవత్సరంలో
“నిన్ను చూడాలని”అనే సినిమా ద్వారా వెండి తెరకు హీరోగా పరిచయం అయ్యారు. ఎన్టీఆర్ సినిమాల్లోకి వచ్చినప్పటి నుంచి కేవలం 2009వ సంవత్సరంలో ఒక ఏడాది పాటు వెండితెరకు దూరమయ్యారు. ప్రతి ఏడాది ఎన్టీఆర్ ఏదో ఒక సినిమా థియేటర్ లలో ప్రేక్షకులను సందడి చేసింది. ఈ క్రమంలోనే ఈసారి కూడా ఎన్టీఆర్ జీవితంలో లాంగ్ గ్యాప్ వచ్చిందని చెప్పవచ్చు.
2018 వ సంవత్సరం అక్టోబర్ 11న త్రివిక్రమ్ శ్రీనివాస్ దర్శకత్వంలో ఎన్టీఆర్ నటించిన”అరవింద సమేత వీర రాఘవ”సినిమా విడుదల అయింది. అప్పటి నుంచి ఇప్పటి వరకు ఎన్టీఆర్ తెరపై కనిపించలేదు. రాజమౌళి చేతికి హీరో దొరికితే ఆ హీరో రెండు మూడు సంవత్సరాల పాటు తన చెరలోనే భందిస్తాడనే విషయం మనకు తెలిసినదే. ప్రస్తుతం ఎన్టీఆర్ కూడా రాజమౌళి చేతిలో ఈ విధంగానే ఇరుక్కుపోయాడు. అయితే రాజమౌళి సినిమాలో రెండు మూడు సంవత్సరాల పాటు పడే కష్టానికి తప్పకుండా ప్రతి ఫలం దక్కుతుందనే విషయం కూడా మనకు తెలిసిందే.
చరణ్ కి అలా… ఎన్టీఆర్ ఇలా..
ప్రస్తుతం రాజమౌళి దర్శకత్వంలో తెరకెక్కుతున్న ఆర్ఆర్ ఆర్ సినిమాలో ఇద్దరు స్టార్ హీరోలు నటిస్తున్న సంగతి మనకు తెలిసినదే. దాదాపు చివరి దశలో షూటింగ్ ఉన్న ఈ సినిమా అక్టోబర్ 13న విడుదల కానుందని ఇదివరకే విడుదల తేదీని ప్రకటించారు. మే నెలలో షూటింగ్ పూర్తి కావాల్సి ఉండగా మరి జూన్ నెల వరకు షూటింగ్ పొడిగించారు. అదేవిధంగా ఈ చిత్ర బృందంలో కొంతమందికి, హీరోయిన్ పాత్రలో చేస్తున్న అలియాభట్ కరోనా బారిన పడటంతో ఈ సినిమా షూటింగ్ ఆలస్యం కావస్తోంది.ఈ విధంగా ఆలస్యం కావడంతో ఈ ఇద్దరు హీరోలు ప్లాన్ చేసుకున్న మిగతా ప్రాజెక్ట్ కూడా ఆలస్యం అవుతున్నాయి.ఇకపోతే ఎన్టీఆర్ బుల్లితెర ద్వారా అయినా ప్రేక్షకులను సందడి చేస్తారని అభిమానులు ఎంతో పొంగిపోయారు. అయితే ఎన్టీఆర్ వ్యాఖ్యాతగా వ్యవహరిస్తున్న “ఎవరు మీలో కోటీశ్వరుడు” కార్యక్రమం కూడా మే నెల మూడవ వారానికి వాయిదా పడింది.చరణ్ ఆచార్య సినిమా ద్వార గెస్ట్ పాత్రలో ప్రేక్షకులను సందడి చేయనున్నారు. కానీ ఎన్టీఆర్ అభిమానులకు మాత్రం తన ప్రాజెక్టులు ఆలస్యం కావడంతో అభిమానులు మాత్రం ఎంతో నిరాశకు గురవుతున్నారు.