ఎంఎస్ రాజశేఖర్ రెడ్డి దర్శకత్వంలో తెరకెక్కిన “మాచర్ల నియోజకవర్గం” ఆగస్టు 12వ తారీకు విడుదల కానుంది. దీంతో సినిమాకి సంబంధించి ప్రమోషన్ కార్యక్రమాలు జోరందుకున్నాయి. కాగా గతంలో నితిన్ నటించిన “రంగ్ దే”, “చెక్” పెద్దగా ఆకట్టుకోలేకపోయాయి. ఆ తర్వాత నితిన్ నటించిన “మాస్ట్రో” ఓటిటిలో విడుదల అయి పర్వలేదనిపించింది. ఇదిలా ఉంటే ఇప్పుడు “మాచర్ల నియోజకవర్గం” అనే కొత్త విభిన్నమైన టైటిల్ తో కూడిన మాస్ యాక్షన్ ఎంటర్టైనర్ సినిమాతో వచ్చేవారం ప్రేక్షకుల ముందుకు రానున్నారు. ఈ సినిమాలో నితిన్ సరసన “ఉప్పెన” ఫేం కృతి శెట్టి హీరోయిన్ గా నటిస్తోంది. రెండో హీరోయిన్ గా కేథరిన్ నటిస్తోంది. ఈ సినిమాలో ఐఏఎస్ అధికారి పాత్రలో నితిన్ కనిపిస్తున్నాడు.
అదిరిపోయిన `మాచర్ల నియోజకవర్గం` ట్రైలర్.. నితిన్కి హిట్ ఖాయమేగా!
కాగా ఈ సినిమాకి సంబంధించి కొద్ది రోజుల క్రితం “రారా రెడ్డి” అనే సాంగ్ సినిమా యూనిట్ రిలీజ్ చేసింది. మాస్ బిట్స్ తో ఈ సాంగ్ ఇప్పుడు ప్రేక్షకులను బాగా ఆకట్టుకుంటూ ఉంది. సోషల్ మీడియాలో షార్ట్ వీడియో యాప్స్ లో ఏకంగా 500 మిలియన్ లకు పైగా వ్యూస్ను సాధించి సరికొత్త రికార్డు క్రియేట్ చేయడం జరిగింది. ఇటీవల గుంటూరులో ప్రమోషన్ కార్యక్రమాలలో భాగంగా మాచర్ల నియోజకవర్గం ట్రైలర్ రిలీజ్ చేశారు. ట్రైలర్ లో మాస్ ఆడియన్స్ ని ఆకట్టుకునే రీతిలో మంచి ఎలిమెంట్స్ ఉన్నాయి.
సినిమాలో “రారా రెడ్డి” సాంగ్ తరహాలోనే సినిమా ట్రైలర్ కూడా సోషల్ మీడియాలో దూసుకుపోతూ ఉంది. మహాభారతంలో ధర్మాన్ని కాపాడేందుకు లక్షలాది మంది తమ సమాధుల్ని పునాదులుగ వేశారు. మాచర్ల నియోజకవర్గంలో ధర్మాన్ని కాపాడటం కోసం.. నా సమాధిని పునాదిగా వేయడానికి నేను సిద్ధం’ అంటూ నితిన్ చెప్పిన డైలాగ్ హైలైట్ గా నిలిచింది. ఈ సినిమాను రాజ్ కుమార్ ఆకెళ్ళ సమర్పణ లో శ్రేష్ట్ మూవీస్ పతాకంపై సుధాకర్ రెడ్డి, నిఖిత రెడ్డిలు సంయుక్తంగా నిర్మించడం జరిగింది. ఇప్పటివరకు సినిమాకి సంబంధించి విడుదలైన పాటలు… పోస్టర్ లకి మంచి రెస్పాన్స్ వచ్చింది. మరి సినిమా ఏ మేరకు విజయం సాధిస్తుందో చూడాలి.
Siri Hanumanthu: సిరి కి ఆఫర్లు కోసం అటువంటి పనులు చేసేది.. బుల్లితెర నటుడు నూకరాజు ఇంట్రెస్టింగ్ కామెంట్స్..!