యంగ్ రెబ‌ల్‌స్టార్ ప్రభాస్ హీరోగా రూపొందిన చిత్రం `సాహో`. సుజిత్ ద‌ర్శ‌క‌త్వంలో యు.వి.క్రియేషన్స్ బ్యాన‌ర్‌పై వంశీ, ప్ర‌మోద్ నిర్మించిన ఈ భారీబ‌డ్జెట్ చిత్రం ఈ నెల 30న ప్రేక్ష‌కుల ముందుకు రానుంది. తెలుగు, హిందీ, త‌మిళ, మ‌ల‌యాళ, క‌న్న‌డ భాష‌ల్లో సినిమాను విడుద‌ల చేయ‌డానికి స‌న్నాహాలు చ‌క‌చ‌కా జ‌రిపోతున్నాయి. అంద‌రిలో సినిమా గురించిన ఆస‌క్తి రోజు రోజుకీ పెరిగిపోతుంది. `బాహుబ‌లి` త‌ర్వాత ప్రభాస్ న‌టిస్తోన్న చిత్ర‌మిది. తొలిసారి ఈ సినిమా ట్విట్ట‌ర్ ఎమోజీ ద‌క్కిన సంగ‌తి తెలిసిందే. ఆ క్రెడిట్ ద‌క్కించుకున్న తొలి తెలుగు చిత్ర‌మిది. నాలుగో ద‌క్షిణాది చిత్రం. ఇప్పుడు ఈ సినిమాను త‌మిళంలో 550 థియేట‌ర్స్‌లో విడుద‌ల చేయ‌బోతున్న‌ట్లు స‌మాచారం. బాహుబ‌లిని 525 థియేట‌ర్స్‌లో విడుద‌ల చేస్తే.. `సాహో`ని అంత‌కంటే ఎక్కువ‌గా విడుద‌ల చేస్తున్నారు నిర్మాత‌లు.
