`దేశ‌ముదురు` సినిమాతో హీరోయిన్‌గా సినిమా ఇండ‌స్ట్రీలోకి అడుగుపెట్టిన హ‌న్సిక తెలుగు, త‌మిళ ప్రేక్ష‌కుల‌కు బాగా ద‌గ్గ‌రైంది. ప్ర‌స్తుతం హ‌న్సిక టైటిల్ పాత్ర‌లో న‌టిస్తున్న `మ‌హా`.. ఆమెకు 50వ చిత్రం. జ‌మీల్ ఈ చిత్రానికి ద‌ర్శ‌కుడు. ఈ సినిమాలో త‌న మాజీ ప్రేమికుడు శింబుతో హ‌న్సిక క‌లిసి న‌టించ‌నుంది. ఈ విష‌యాన్ని హ‌న్సిక త‌న ట్విట్ట‌ర్ అకౌంట్ ద్వారా ప్ర‌క‌టించారు. `న్యూస్ అనుకున్న స‌మ‌యం కంటే ముందు తెలిసిపోయింది. నేను, శింబు క‌లిసి `మ‌హా`లో న‌టిస్తున్నాం“ అంటూ ట్వీట్ చేసింది. న‌య‌న‌తార త‌ర్వాత హ‌న్సిక‌ను ప్రేమించిన శింబు కొన్ని కార‌ణాల‌తో విడిపోయాడు. ఇప్పుడు ఇద్ద‌రూ క‌లిసి న‌టిస్తుండ‌టం హాట్ టాపిక్‌గా మారింది.
