Maha Shivaratri: శివుడు అనుగ్రహించని చీమైనా కుట్టదని పెద్దలు చెబుతుంటారు. ఆ పరమేశ్వరుడు బోలా శంకరుడు.. భక్తులు కోరిన కోరికలను తప్పక నెరవేరుస్తాడు. భక్తి ఒక్కటి ఉంటే చాలు ఆయన భక్తుల వెంట చేస్తాడు.. శివారాధనలో అతి ముఖ్యమైన రోజు మహాశివరాత్రి.. ఆ రోజున శివుడికి అమితాంగా ఇష్టపడే పూలతో పూజ చేస్తే చాలా మంచిది. శివుడికి ఇష్టమైన పువ్వులు ఇప్పుడు చూద్దాం..
సాధారణంగా దేవతలందరికీ పూజించే పూలు శివునికి సమర్పించకూడదట. పరమేశ్వరుడికి అడవి పువ్వులు అంటే అమితమైన ప్రేమ. శమీ పువ్వులు సాధారణంగా ఏ దేవుడికి సమర్పించరు. కానీ శివుడికి ఆ పువ్వంటే చాలా ఇష్టం. అందుకే శివారాధనలో శమి పుష్పాన్ని ఉపయోగించాలట.
దాతుర శివునికి ఇష్టమైన పువ్వులలో ఒకటి. అమృత మదనం నుండి వెలువడిన విషాన్ని శివుడు తాగగానే శివుని వక్షస్థలం నుండి ఈ పుష్పం కనిపించింది. అందుకే అహం , శత్రుత్వం, అసూయ, ద్వేషం అనే విషాన్ని వదిలించుకోవడానికి శివ పూజలో దాతురాన్ని శివునికి సమర్పిస్తారు. ఈ పూలతో శివుడిని పూజిస్తే సమస్త పాపాలు తొలగిపోయి. విముక్తి లభిస్తుందని ప్రతీతి.
శివ పూజలో మందార పువ్వు కూడా ఒకటి. ఈ పుష్పంతో పూజిస్తే కైలాసంలో నివసించే వరం కలుగుతుందట. కరవీర పువ్వు ఇది కూడా గులాబీ లాగానే ఉంటుంది. పరమశివుడికి ఈ పూలతో భక్తితో పూజిస్తే అనేక వ్యాధులనుంచి తప్పక న్యాయమవుతుంది. మల్లెపూలు శివుడికి పూజిస్తే ఇంట్లో ఐశ్వర్యం, సంపదలు కలుగుతాయి .మీ ఇల్లు ధాన్యంతో నిండిపోతుంది.
గులాబీ పూలతో శివుడిని పూజిస్తే 10 గుర్రాలతో సమానమని పెద్దలు చెబుతారు. శివుడుని నల్ల కలువ పూలతో పూజించడం వల్ల ఐదు మహాపాపాలు తొలగిపోతాయి. ఇతరులను విమర్శించడం అభిమానం వల్ల కలిగే పాపాలు తామర పూలతో పూజిస్తే పోతాయని పెద్దలు చెబుతున్నారు. శివుడిని నల్ల కలువ, తామర, గులాబీ, మల్లె , కరవీర పువ్వు, మందార పువ్వు, బిల్వపత్రం, దాతుర , శమీ పువ్వులతో పూజిస్తే శివరాత్రి రోజు మీరు కోరిన కోరికలన్నీ నెరవేరుతాయి.
