Salaar: పాన్ ఇండియా నేపథ్యంలో తెరకెక్కిన ప్రభాస్ కొత్త చిత్రం “సలార్” మొదటి భాగం ఈనెల 22వ తారీకు విడుదల కాబోతున్న సంగతి తెలిసిందే. విడుదలకు ఇంకా పది రోజులు మాత్రమే ఉండటంతో.. డిసెంబర్ 13 నుండి ప్రమోషన్ కార్యక్రమాలు మొదలు కాబోతున్నాయి. ఈ క్రమంలో డిసెంబర్ 13వ తారీకు సినిమాలో మొదటి సాంగ్ విడుదల చేయడానికి సన్నాహాలు చేస్తున్నారు. “కేజిఎఫ్” సినిమాలతో దేశవ్యాప్తంగా ఊహించని పాపులారిటీ సంపాదించిన దర్శకుడు ప్రశాంత్ నీల్ ఈ సినిమా తెరకెక్కించటంతో.. భారీ అంచనాలు నెలకొన్నాయి. “సలార్” పార్ట్ 1 – సీజ్ఫైర్ గా ఇటీవల విడుదలైన ట్రైలర్ అందరినీ ఆకట్టుకుంది. సినిమాలో చాలా వైలెన్స్ ఉన్నట్లు ట్రైలర్ లో అర్థమవుతుంది.
విడుదల తేదీ దగ్గర పడుతూ ఉండటంతో ఈ సినిమాపై రకరకాల వార్తలు సోషల్ మీడియాలో వైరల్ అవుతున్నాయి. ముఖ్యంగా ప్రశాంత్ నీల్ దర్శకత్వంలో తెరకెక్కిన మొదటి చిత్రం “ఉగ్రం” తరహాలోనే “సలార్” తీసినట్లు ఓ వార్త వైరల్ అవుతుంది. ఈ వార్తపై నిర్మాత కిరగందూర్ ఓ ఇంటర్వ్యూలో క్లారిటీ ఇచ్చారు. ఈ సినిమా రెండు భాగాల కథలు స్నేహితుల గురించి కావటంతో చాలామంది కన్ఫ్యూజ్ అవుతున్నారు. కానీ బయట జరుగుతున్న ప్రచారం అవాస్తవం. “సలార్” ఫ్రెష్ సబ్జెక్టు…రెండు భాగాల కథలు వేరువేరుగా ఉంటాయని క్లారిటీ ఇచ్చారు. కాగా..”సలార్ పార్ట్ 1 – సీజ్ఫైర్” విడుదలకి వారానికి ముందు ప్రభాస్ ఫుల్ లెన్త్ లో ఉండే రెండో ట్రైలర్ రిలీజ్ చేయాలని మేకర్స్ భావిస్తున్నట్లు వార్తలు వస్తున్నాయి.
మొదటి ట్రైలర్ లో కేవలం చివరి నిమిషంలో మాత్రమే ప్రభాస్ కనిపించడంతో అభిమానులు కొద్దిగా డిసప్పాయింట్ అయ్యారు. దీంతో సెకండ్ ట్రైలర్ రిలీజ్ చేయడానికి సన్నాహాలు చేస్తున్నారు. అంతేకాదు డిసెంబర్ 22వ తారీకు నాడే విడుదల చేయడానికి కారణం.. షారుక్ ఖాన్ “డుంకి”తో పోటీ కాదని తెలిపారు. కరెక్ట్ గా ఆ తేదీలలో చాలా సెలవులు వచ్చాయి. దాదాపు పది రోజుల సెలవులు కావడంతో.. పాటు ఆ సమయంలో పెద్ద సినిమాలు ఏవి కూడా విడుదల అయ్యే పరిస్థితి లేని.. సమయం కావటంతో డిసెంబర్ 22న సినిమా విడుదల చేయాలని నిర్ణయించుకున్నట్లు క్లారిటీ ఇచ్చారు. ఆ తర్వాత సంక్రాంతి సీజన్ కూడా కలిసి వస్తుందని.. అన్ని ఆలోచించి డిసెంబర్ 22న “సలార్ పార్ట్ 1 – సీజ్ఫైర్” రిలీజ్ చేస్తున్నట్లు నిర్మాత కిరగందూర్ స్పష్టం చేశారు.