Unstoppable: నటసింహం నందమూరి బాలయ్య బాబు “అన్ స్టాపబుల్” షోతో తనలో ఉన్న మరో కోణం వెలికి తీయడం తెలిసిందే. ఈ షోలో హోస్ట్ గా బాలయ్య బాబు అభిమానులకి మాత్రమే కాదు ఎంటర్టైన్మెంట్ ప్రేక్షకులకు ఎంతగానో నచ్చేసాడు. సెలబ్రిటీలను రాజకీయ నాయకులను ఇంటర్వ్యూ చేసే విధానం తోపాటు వాళ్లతో కామెడీ పండించేటట్లు బాలయ్య అద్భుతంగా షోని ముందుకు నడిపిస్తున్నారు. మొదటి రెండు సీజన్స్ అందరినీ ఆకట్టుకున్నాయి. దీంతో టాకీ షోలలో దేశంలోనే నెంబర్ వన్ షోగా “అన్ స్టాపబుల్” నిలిచింది. మొదటి సీజన్ మొత్తం సినిమా ఇండస్ట్రీకి చెందిన సెలబ్రిటీలు వచ్చారు. రెండవ సీజన్ లో సినిమా సెలబ్రిటీలతో పాటు రాజకీయ నాయకులు రావడం జరిగింది.
ప్రస్తుతం మూడవ సీజన్ సాగుతోంది. ఈ మూడవ సీజన్ లో చాలావరకు సినిమా ప్రమోషన్స్ తరహా కార్యక్రమాలు జరుగుతున్నాయి. మొదటి రెండు సీజన్స్ మాదిరిగా మూడో సీజన్ అంతగా కనెక్ట్ కావడం లేదు. మూడవ సీజన్ మొదటి ఎపిసోడ్ “భగవంత్ కేసరి” సినిమా ప్రమోషన్స్ జరిగాయి. ఆ తర్వాత యానిమల్ సినిమా యూనిట్ రావడం జరిగింది. కానీ లేటెస్ట్ గా డైరెక్టర్ హరీష్ శంకర్, జయంత్ సీ పరన్జీ, హీరోయిన్ శ్రేయ, సుహాసిని రావటం జరిగింది. ఈ ఎపిసోడ్ కి సంబంధించిన ప్రోమో రీసెంట్ గా విడుదల చేశారు. బాలకృష్ణ ఎప్పటిలాగానే మంచి జోష్ మీద కనిపించారు.
ఈ సందర్భంగా ప్రోమోలో సీనియర్ హీరోయిన్ సుహాసిని మాట్లాడుతూ తన కెరియర్ లో మొట్టమొదటి బ్లాక్ బస్టర్ బాలయ్య తో పడిందని చెప్పుకొచ్చింది. డైరెక్టర్ హరీష్ శంకర్ తో కూడా బాలయ్య బాగా కామెడీ చేశారు. ఇక ఇదే సమయంలో హీరోయిన్ శ్రేయ తో కూడా డాన్స్ వేస్తూ… గోల గోల చేశారు. అన్ స్టాపబుల్ బాలకృష్ణ లేటెస్ట్ వీడియో అందరిని ఆకట్టుకుంటూ ఉంది. ఈ ఎపిసోడ్ డిసెంబర్ 22వ తారీకు నుండి ఆహాలో స్ట్రీమింగ్ కానుంది. ఇదిలా ఉంటే “గుంటూరు కారం” సినిమా యూనిట్ కూడా “అన్ స్టాపబుల్” సీజన్ 3లో… సందడి చేయబోతున్నట్లు వార్తలు వస్తున్నాయి.
Nani: ఓడియమ్మ.. నాని సీరియల్స్ లో నటించాడా?.. ఏ సీరియల్ అంటే…!