Kalyani Priyadarshan: కళ్యాణి ప్రియదర్శన్.. ఈ అందాల సోయగాన్ని ప్రత్యేకంగా పరిచయం చేయాల్సిన అవసరం లేదు. మలయాళ దిగ్గజ దర్శకనిర్మాత ప్రియదర్శన్, ఒకప్పటి స్టార్ హీరోయిన్ లిస్సీ దంపతులకు జన్మించిన కళ్యాణి ప్రియదర్శన్.. 2017లో హలో మూవీ ద్వారా హీరోయిన్ గా తన నటనా ప్రస్థానాన్ని ప్రారంభించింది. అఖిల్ హీరోగా నటించిన ఈ చిత్రం ఆశించిన స్థాయిలో విషయం సాధించకపోయినా.. కళ్యాణి ప్రియదర్శన్ అందం, అభినయానికి మంచి మార్కులు పట్టాయి.
ఆ తర్వాత చిత్రలహరి మూవీతో తొలి హిట్ అందుకున్న కళ్యాణి.. హీరో మూవీ ద్వారా తమిళ ఇండస్ట్రీలోకి అడుగు పెట్టింది. వారనే అవశ్యముండ్ అనే చిత్రంతో మలయాళ ప్రేక్షకులను పలకరించింది. సొంత గడ్డ అయిన మలయాళంలో హృదయం, బ్రో డాడి వంటి చిత్రాలు ఆమెకు స్టార్ ఇమేజ్ ను తెచ్చి పెట్టాయి. అలాగే తమిళంలో మానడు మూవీ ఆమెకు భారీ క్రేజ్ ఏర్పడేలా చేసింది. ప్రస్తుతం ఈ ముద్దుగుమ్మ మలయాళ, తమిళ భాషల్లో వరుసగా చిత్రాలు చేస్తూ కెరీర్ ను పరుగులు పెట్టిస్తోంది.
సినిమాల గురించి పక్కన పెడితే.. చాలా కాలం నుంచి కళ్యాణి ప్రియదర్శన్ కు సంబంధించి ఓ న్యూస్ మాలీవుడ్ బాగా వైరల్ అవుతోంది. హీరో ప్రణవ్ తో కళ్యాణ్ ప్రేమలో ఉందని మాలీవుడ్ మీడియా ఎప్పటి నుంచో కోడై కూస్తోంది. ప్రణవ్ మరెవరో కాదు మలయాళ మెగాస్టార్ మోహన్ లాల్ తనయుడు. మోహన్ లాల్ మరియు కళ్యాణి తండ్రి ప్రియదర్శన్ ఇద్దరూ ఆప్త మిత్రులు. వీరిద్దరి కాంబోలో ఎన్నో అద్భుతమైన చిత్రాలు వచ్చాయి. ఇద్దరు కుటుంబాల మధ్య కొన్నేళ్లుగా సత్సంబంధాలు ఉన్నాయి.
దాంతో ప్రణవ్, కళ్యాణి చిన్నతనం నుంచి బెస్ట్ ఫ్రెండ్స్ గా మెలుగుతున్నారు. హృదయం చిత్రంలో జంటగా కూడా నటించారు. అయితే వీరి క్లోజ్నెస్ చూసి ప్రణవ్, కళ్యాణి మధ్య లవ్ ఎఫైర్ నడుస్తోందనే టాక్ మొదలైంది. చిన్ననాటి స్నేహితులైన కల్యాణి, ప్రణవ్.. త్వరలో పెళ్లి పీటలు ఎక్కాలనుకుంటున్నారని ఎప్పటినుంచి మాలీవుడ్ లో వార్తలు వస్తున్నాయి. గతంలో మోహన్ లాల్ స్వయంగా ఈ వార్తలను ఖండించారు. అయినప్పటికీ పుకార్లు మాత్రం ఆగలేదు.